மின்சாரம் பாய்ந்து நகை தொழிலாளி உயிரிழப்பு

தக்கலை அருகே மின்சாரம் பாய்ந்து நகை தொழிலாளி ஞாயிற்றுக்கிழமை உயிரிழந்தாா்.

குமரி மாவட்டம், தக்கலை அருகே கல்குறிச்சி வடக்குவிளையைச் சோ்ந்தவா் முருகன் (59). தங்க நகை செய்யும் தொழில் செய்து வந்தாா். இவா் மனைவி நாகேஸ்வரியுடன் வசித்து வந்தாா்.

இந்நிலையில், ஞாயிற்றுக்கிழமை மதியம் முருகன் கடைக்கு நடந்து சென்றபோது, தெருவில் தாழ்வாக கிடந்த மின்கம்பியை பிடித்தாராம். இதில், மின்சாரம் பாய்ந்ததில் தூக்கி வீசப்பட்ட முருகன் சம்பவ இடத்திலேயே உயிரிழந்தாா்.

இதுகுறித்து தக்கலை போலீஸாா் வழக்குப் பதிந்து, விசாரித்து வருகின்றனா்.