அழுகிய நிலையில் பச்சிளம் குழந்தையின் சடலம் மீட்பு

திருச்சியில் அழுகிய நிலையில் பச்சிளம் குழந்தையின் சடலம் திங்கள்கிழமை மீட்கப்பட்டது.

திருச்சி, கே.கே.நகா் சாத்தனூரில் சாலையோரத்தில் கொட்டப்பட்டிருந்த குப்பைகளை அகற்றும் பணியில் தூய்மைப் பணியாளா்கள் திங்கள்கிழமை ஈடுபட்டிருந்தனா்.

அப்போது, அங்கு குப்பைகளின் நடுவே ஒரு துணியில் சுற்றப்பட்டு அழுகிய நிலையில் பிறந்து சில நாள்களேயான பச்சிளம் குழந்தையின் சடலம் கிடந்துள்ளது. இதுகுறித்து, தூய்மைப் பணியாளா்கள் காவல் துறையினருக்கு தகவல் அளித்தனா்.

இதையடுத்து, சம்பவ இடத்துக்கு வந்த கே.கே.நகா் போலீஸாா், பச்சிளம் குழந்தையின் சடலத்தை மீட்டு உடற்கூறாய்வுக்காக திருச்சி அரசு மருத்துவமனைக்கு அனுப்பிவைத்து வழக்குப் பதிந்து விசாரிக்கின்றனா்.