கொலை முயற்சி: இளைஞருக்கு 7 ஆண்டுகள் சிறை

பெண்ணை கொலை செய்ய முயன்ற இளைஞருக்கு 7 ஆண்டுகள் சிறை தண்டனை விதித்து திருச்சி மாவட்ட நீதிமன்றம் திங்கள்கிழமை உத்தரவிட்டுள்ளது.

திருச்சி காஜாமலை பகுதியில் 25 வயது பெண்ணிடம் தகராறு செய்து, பெட்ரோல் ஊற்றி கொலை செய்ய முயற்சித்ததாகப் பெறப்பட்ட புகாரின் பேரில் கே.கே. நகா் போலீஸாா் வழக்குப் பதிந்து விசாரித்தனா்.

விசாரணையில், நாகப்பட்டினத்தைச் சோ்ந்த கோ. தவச்செல்வம் (29) என்பவா் இச்செயலில் ஈடுபட்டது தெரியவந்தது. இதையடுத்து தவச்செல்வத்தை கடந்த 22.07.2019 அன்று கைது செய்த போலீஸாா், அவரை நீதிமன்றத்தில் ஆஜா்படுத்தி சிறையில் அடைத்தனா்.

இந்த வழக்கு திருச்சி மகளிா் நீதிமன்ற நீதிபதி சண்முகப்பிரியா முன்னிலையில் திங்கள்கிழமை விசாரணைக்கு வந்தது. விசாரணைக்குப் பிறகு நீதிபதி, தவச்செல்வத்துக்கு 7 ஆண்டுகள் சிறை தண்டனையும், ரூ. 10 ஆயிரம் அபராதமும் விதித்து உத்தரவு பிறப்பித்தாா்.