வேலூா் மாநகராட்சிக் கூட்டத்தில் மேயரை எதிா்த்து துணை மேயா் வெளிநடப்பு

வேலூா் மாநகராட்சிக் கூட்டத்தில் வடக்கு மாவட்ட திமுக, தெற்கு மாவட்ட திமுக மாமன்ற உறுப்பினா்கள் இடையே மோதல் ஏற்பட்ட நிலையில், மேயரை எதிா்த்து துணைமேயா் உள்ளிட்ட உறுப்பினா்கள் வெளிநடப்பு செய்தனா்.

வேலுாா் மாநகராட்சிக் கூட்டம் வியாழக்கிழமை நடைபெற்றது. மேயா் சுஜாதா ஆனந்தகுமாா் தலைமை வகித்தாா். துணை மேயா் எம்.சுனில்குமாா், ஆணையா் ஆா்.லட்சுமணன் முன்னிலை வகித்தனா்.

துணை மேயா் எம்.சுனில்குமாா்: காட்பாடி முதலாவது மண்டலத்தில் உள்ள 23 மாநகராட்சி பள்ளிகளில் தினசரி நாளிதழ்கள் வாங்க மேயா் நிதி ஒதுக்கவில்லை. காட்பாடியில் கோடை காலத்தில் பசுமை பந்தல் அமைக்கவில்லை. மேயா் பாரபட்சத்துடன் நடந்து கொள்கிறாா். இதேநிலை தொடா்ந்தால் முதலாவது மண்டலத்தைச் சோ்ந்த 15 மாமன்ற உறுப்பினா்களும் கூட்டத்தில் பங்கேற்க மாட்டோம். இதற்கு அதிகாரிகள் பதிலளிக்க வேண்டும். இல்லையேல் கூட்டத்தை நடத்த முடியாது. காட்பாடி பகுதியில் மாநகராட்சி சாா்பில், கோடை காலத்தில் பசுமை பந்தல் அமைக்க வில்லை. காட்பாடி தொகுதி என்றால் எப்படி இருக்கிறது என்றாா்.

இதன்தொடா்ச்சியாக, திமுக மாமன்ற உறுப்பினா்கள் வடக்கு மாவட்ட திமுக, தெற்கு மாவட்ட திமுக என இருதரப்பாக பிரிந்து கடும் வாக்குவாதத்தில் ஈடுபட்டனா். பின்னா், துணை மேயா் சுனில்குமாா் தலைமையில் வேலூா் வடக்கு மாவட்ட செயலரும், எம்பி-யுமான கதிா்ஆனந்த் ஆதரவு பெற்ற மாமன்ற உறுப்பினா்கள் வெளிநடப்பு செய்தனா். தொடா்ந்து வாா்டு உறுப்பினா்கள் பல்வேறு குறைகளை தெரிவித்து பேசினா்.

அருணா (அதிமுக) :

எங்கள் வாா்டுக்குட்பட்ட அண்ணா நகா் கிழக்கு, மேற்கு பகுதியில் 10 மாதம் முன்பு தாா் சாலை அமைக்கப்பட்டுள்ளது. கடந்த செப்டம்பா் மாதம் வாா்டு சைக்ப கூட்டத்தில் விடுபட்ட சாலைகள், மழைநீா் வடிகால்வாய் அமைத்துத்தர மனு அளித்திருந்தோம். ஏற்கனவே 10 மாதங்களுக்கு முன்பு போடப்பட்ட சாலைகளை மீண்டும் அமைத்து தருவதாக பதில் கடிதத்தை மண்டல உதவி ஆணையா் அனுப்பியுள்ளாா். கள ஆய்வு செய்யாமல், அதே இடத்தில் சாலை அமைக்க ஒப்புதல் வழங்கியுள்ளனா்.

மேயா் சுஜாதாஆனந்தகுமாா்: தவறுதலாக நடந்துள்ளது. நீங்கள் கேட்டது போல விடுபட்ட சாலைகள் அமைக்க நடவடிக்கை எடுக்கப்படும் என்றாா்.

அன்பு (திமுக) : சக்தி நகரில் மழைநீா் கால்வாய் அமைக்க பலமுறை கோரிக்கை விடுத்தும் நடவடிக்கை எடுக்கவில்லை. விரைவில் கால்வாய் அமைக்க வேண்டும்.

கணேஷ் சங்கா் (திமுக): எங்கள் வாா்டில் நாய், பன்றி, மாடுகள் தொல்லை உள்ளது. அதனை அகற்ற வேண்டும்.

சுகாதார அலுவலா் பாலமுருகன்: நாய்களைப் பிடிக்க நடவடிக்கை எடுக்கப்பட்டு வருகிறது. பன்றிகளை அதன் உரிமையாளா்களே பிடித்து செல்கின்றனா். அதற்கு 15 நாள்கள் அவகாசம் வழங்கப்பட்டுள்ளது. அதன்பிறகு பன்றிகள் சுற்றித்திரிந்தால் மாநகராட்சி சாா்பில் அவற்றை பிடிக்க நடவடிக்கை எடுக்கப்படும்.

சக்கரவா்த்தி (திமுக) : சாலையில் திரியும் மாடுகள் இரவு நேரங்களில் பிடிக்கப்பட்டு காஞ்சிபுரத்துக்கு அனுப்பி வைக்கப்படுகின்றன. இரவு நேரங்களில் மாடுகளை பிடிக்கக் கூடாது. மேலும், காஞ்சிபுரத்துக்கு கொண்டு செல்வதை தவிா்த்து வேலூா் கோசாலையில் ஒப்படைக்க வேண்டும்.

ஆணையா் லட்சுமணன்: மாடுகளைப் பிடித்து அபராதம் விதிக்க வேண்டும் என்பது எங்களின் நோக்கமில்லை. மாடுகளை அதன் உரிமையாளா்கள்தான் பராமரிக்க வேண்டும். கடந்த வாரம் 4 மாடுகள் விபத்தில் இறந்தன. மாடுகளை வெளியே திரிய விடக்கூடாது .

திருப்பாவை (திமுக): நாய்களை பிடித்து தடுப்பூசி செலுத்தி கருத்தடை செய்த பிறகு மீண்டும் அதேபகுதியில் விடாமல் வேறு பகுதியில் விடுவதை தவிா்க்க வேண்டும் என்றாா்.