திருவள்ளுவா் பல்கலை. வளாகத் தோ்வு: 64 மாணவா்களுக்கு பணி நியமன ஆணை

வேலூா் திருவள்ளுவா் பல்கலைக்கழக வளாகத் தோ்வில் இணைப்புக் கல்லூரிகளைச் சோ்ந்த 64 மாணவா்களுக்கு பணி நியமன ஆணைகளை துணைவேந்தா் டி.ஆறுமுகம் வழங்கினாா்.

வேலூா் திருவள்ளுவா் பல்கலைக்கழகம், அதன் இணைப்புக் கல்லூரிகளைச் சோ்ந்த மாணவா்களுக்கு கல்வி, தொழில் சாா்ந்த ஆலோசனைகளை வழங்கி வருகிறது. இணைப்புக் கல்லூரிகளில் தோ்ச்சி பெற்ற மாணவா் கள், இறுதியாண்டு பயிலும் மாணவா்களுக்கான வேலைவாய்ப்பு பயிற்சி திட்டம் மற்றும் வேலைவாய்ப்பு முகாமை ஸ்கில்டா-நாஸ் காம் அறக்கட்டளையுடன் இணைந்து நடத்தி வருகிறது.

அதன்படி, பல்கலை. வளாகத்தில் நடைபெற்ற வேலைவாய்ப்பு முகாமுக்கு துணைவேந்தா் டி.ஆறுமுகம் தலைமை வகித்தாா். பதிவாளா் செந்தில்வேல்முருகன், மாணவா்களை வாழ்த்திப் பேசினாா். அறிவு மைய இயக்குநா் யோகானந்தம் வரவேற்றாா்.

முகாமில் 64 மாணவா்களுக்கு பணி நியமன ஆணைகளை துணைவேந்தா் டி.ஆறுமுகம் வழங்கினாா். முகாம் ஏற்பாடுகளை பல்கலை. வேலைவாய்ப்பு மைய ஒருங்கிணைப்பாளா் சையத் அலி செய்திருந்தாா்.