ஆரம்ப சுகாதார நிலைய தூய்மைப் பணியாளா்கள் ஆா்ப்பாட்டம்

விழுப்புரம்: கோரிக்கைகளை வலியுறுத்தி தமிழ்நாடு அரசு ஆா்.சி.எச்.(மகப்பேறு மற்றும் குழந்தைகள் பராமரிப்பு) தூய்மைப் பணியாளா்கள் நலச்சங்கம், பல்நோக்கு மருத்துவமனை பணியாளா்கள் சங்கம் சாா்பில் விழுப்புரம் நகராட்சித் திடலில் கவன ஈா்ப்பு ஆா்ப்பாட்டம் திங்கள்கிழமை நடைபெற்றது.

அரசு ஆரம்ப சுகாதார நிலையங்களில் நீண்ட காலமாக குறைந்த ஊதியத்தில் பணிபுரியும் ஆா்.சி.எச். தூய்மைப் பணியாளா்களை பல்நோக்கு மருத்துவமனைகளில் பணியமா்த்த வேண்டும், ஆரம்ப சுகாதார நிலையங்களுக்கு அதிகளவில் நோயாளிகள் வருவதால் அதற்கேற்ற வகையில், கூடுதல் பணியிடங்களை உருவாக்கி பணி வழங்க வேண்டும், பல்நோக்கு மருத்துவமனைகளில் பணிபுரிபவா்களுக்கு ஒரே மாதிரியான உயா்ந்தபட்ச தினக்கூலியை வழங்க வேண்டும், பல்நோக்கு மருத்துவமனைகளில் பணி கிடைக்காத 60 வயது நிறைவடைந்த தூய்மைப் பணியாளா்கள் அனைவருக்கும் குறைந்த பட்ச கூலி நிா்ணய சட்டத்தின்படி, பணியில் சோ்ந்த நாள் முதல் மாவட்ட ஆட்சியா்கள் நிா்ணயம் செய்த தினக்கூலி நிலுவைத் தொகையை உடனடியாக வழங்க வேண்டும் என்பன உள்ளிட்ட கோரிக்கைகளை வலியுறுத்தி ஆா்ப்பாட்டம் நடைபெற்றது.

ஆா்ப்பாட்டத்துக்கு, ஆா்.சி.எச். தூய்மைப் பணியாளா்கள் நலச்சங்கத்தின் மாநிலப் பொருளாளா் எஸ்.நிலா ஒளி தலைமை வகித்தாா். துணைத் தலைவா் எஸ்.தனச்செல்வி, விழுப்புரம் மாவட்டத் தலைவா் சாந்தி, செயற்குழு உறுப்பினா் கே.ரேணுகாம்பாள் ஆகியோா் முன்னிலை வகித்தனா்.

மாநிலத் தலைவா் என்.எஸ்.செல்வராஜ், தமிழ்நாடு அரசுப் பணியாளா்கள் சங்கத்தின் முன்னாள் மாநில நிா்வாகி எம்.ஆா்.சிங்காரம், மாவட்டச் செயலா் பி.குமரவேல், ஓய்வுபெற்ற ஊரக வளா்ச்சித்துறை அலுவலா் ராம்குமாா் ஆகியோா் கோரிக்கைகளை வலியுறுத்தி பேசினா்.

இதில், சங்க நிா்வாகிகள் அரசு ஆரம்ப சுகாதார நிலையம் மற்றும் பல்நோக்கு மருத்துவமனைகளில் பணிபுரியும் ஆா்.சி.எச்.தூய்மைப் பணியாளா்கள் கலந்துகொண்டனா். நிறைவில், சங்கத்தின் முன்னாள் மாநிலத் தலைவா் எம்.லெட்சுமி நன்றி கூறினாா்.