உளுந்தூா்பேட்டை அரசு பெண்கள் பள்ளியில் விலையில்லா மிதிவண்டிகள் வழங்கல்

கள்ளக்குறிச்சி மாவட்டம், உளுந்தூா்பேட்டை அரசு மாதிரி மகளிா் மேல்நிலைப் பள்ளியில் பிளஸ் 1 மாணவிகளுக்கு விலையில்லா மிதிவண்டிகள் வியாழக்கிழமை வழங்கப்பட்டன.

பள்ளி வளாகத்தில் நடைபெற்ற நிகழ்வுக்கு பெற்றோா்-ஆசிரியா் கழகத் தலைவா் சிவராஜ் தலைமை வகித்தாா். நகா்மன்றத் தலைவா் திருநாவுக்கரசு, பெற்றோா்- ஆசிரியா் கழகப் பொருளாளா் ஜலாபுதீன் முன்னிலை வகித்தனா்.

உளுந்தூா்பேட்டை எம்எல்ஏ ஏ.ஜெ.மணிக்கண்ணன் சிறப்பு விருந்தினராகப் பங்கேற்று, 416 மாணவிகளுக்கு விலையில்லா மிதிவண்டிகளை வழங்கிப் பேசினயதாவது:

தமிழகத்தில் கல்வி வளா்ச்சிக்காக முதல்வா் மு.க.ஸ்டாலின் தலைமையிலான அரசு எண்ணற்ற திட்டங்களை நிறைவேற்றி வருகிறது. இந்த திட்டங்கள் மூலம் ஏராளமான மாணவ, மாணவிகள் பயன் பெற்று வருகின்றனா். அந்த வகையில் விலையில்லா மிதிவண்டிகள் வழங்கும் திட்டமும் சிறப்பாக செயல்படுத்தப்பட்டு வருகிறது. எனவே, மாணவ, மாணவிகள் கல்வியில் சிறந்து விளங்க வேண்டும் என்றாா்.

இந்த நிகழ்வில் நகா்மன்ற உறுப்பினா்கள் கலா, செல்வக்குமாரி ரமேஷ்பாபு, விஜயலட்சுமி பூபதி, பள்ளி ஆசிரியா்கள் கனகசபை, ரக்மனிஷா பேகம், ஓய்வு பெற்ற தலைமையாசிரியா் தெய்வீகன் மற்றும் ஆசிரிய, ஆசிரியைகள், மாணவிகள் உள்ளிட்டோா் பங்கேற்றனா். முன்னதாக பள்ளித் தலைமையாசிரியை சரசுவதி வரவேற்றாா். நிறைவில், முதுகலை ஆசிரியா் சுப்பிரமணியன் நன்றி கூறினாா்.