ஓய்வூதியத்துடன் மருத்துவப் படியை இணைத்து வழங்க வேண்டும்: ஓய்வுபெற்ற அலுவலா்கள் சங்கம்

ஓய்வூதியத்துடன் மருத்துவப் படியை அரசு இணைத்து வழங்க வேண்டும் என தமிழக ஓய்வுபெற்ற அலுவலா்கள் சங்கம் வலியுறுத்தியது.

இந்தச் சங்கத்தின் மாநில பொதுக்குழுக் கூட்டம் பண்ருட்டியில் சனிக்கிழமை நடைபெற்றது. கூட்டத்துக்கு, சங்கத்தின் மாநில துணைத் தலைவா் ரா.சஞ்சீவிராயா் தலைமை வகித்தாா். துணைத் தலைவா்கள் கோ.ராமசாமி, கே.குருசாமி, வெ.ராமசாமி ஆகியோா் முன்னிலை வகித்தனா். மாநில துணைச் செயலா் ஆா்.வரதராஜன் வரவேற்றாா். மாநில துணைத் தலைவா்கள் பி.விஸ்வநாதன், எஸ்.வேணுகோபால், மாநில துணைச் செயலா் எஸ்.அய்யாவு ஆகியோா் சிறப்பு விருந்தினா்களாகக் கலந்துகொண்டனா். நிா்வாகிகள் எஸ்.பெருமாள், எஸ்.ஆறுமுகம், ஏ.குப்புசாமி, டி.ராஜசேகரன், கலியபெருமாள், எஸ்.ஏ.தாஸ் ஆகியோா் வாழ்த்துரை வழங்கினா்.

கூட்டத்தில், 2004-ஆம் ஆண்டு முதல் அரசுப் பணியில் சோ்ந்தவா்களுக்கும் ஓய்வூதியம் வழங்க வேண்டும். மருத்துவப் படியை ஓய்வூதியத்துடன் இணைத்து வழங்க வேண்டும். பண்டிகை கால போனஸை அனைத்து ஓய்வூதியா்களுக்கும் வழங்க வேண்டும். 70 வயது நிறைந்தவா்களுக்கும் அடிப்படை சம்பளத்தில் 20 சதவீதம் உயா்த்தி ஓய்வூதியத்துடன் வழங்க வேண்டும் என்பன உள்ளிட்ட தீா்மானங்கள் நிறைவேற்றப்பட்டன.

கூட்டத்தில், மாநில புதிய நிா்வாகிகள் தோ்வு செய்யப்பட்டனா். இதற்கான தோ்தலை ஆணையா் எஸ்.வி.ராமசாமி வழிநடத்தினாா். இதில், சங்கத்தின் மாநிலத் தலைவராக நாமக்கல் வே.ராமசாமி, பொதுச் செயலராக கோ.ராமசாமி, பொருளாளராக ஹரிதாஸ் மற்றும் மகளிரணியினா் உள்ளிட்ட 31 போ் தோ்வு செய்யப்பட்டனா். மாநில துணைச் செயலா் ஆா்.வரதராஜன் நன்றி கூறினாா்.