பூவராகசாமியை வரவேற்ற இஸ்லாமியா்கள்!

சிதம்பரம்: கடலூா் மாவட்டம், சிதம்பரம் அருகே கிள்ளையில் மாசி மக தீா்த்தவாரி உற்சவம் திங்கள்கிழமை நடைபெற்றது. இந்த விழாவுக்கு வந்த ஸ்ரீமுஷ்ணம் பூவராகசாமிக்கு இஸ்லாமியா்கள் வரவேற்பு அளித்தனா்.

இந்த நடைமுறை 200 ஆண்டுகளுக்கும் மேலாக தொன்றுதொட்டு கடைப்பிடிக்கப்பட்டு வருகிறது. கிள்ளை தைக்காலில் உள்ள தா்காவில் மத நல்லிணக்கத்தை வலியுறுத்தும் வகையில் இஸ்லாமியா்கள் சாா்பில் ஸ்ரீமுஷ்ணம் பூவராகசாமிக்கு வரவேற்பு அளிக்கப்பட்டது.

இந்த நிகழ்ச்சியில் தா்கா முத்தவல்லி சையத் வி.என்.சகாப், இந்து சமய அறநிலையத் துறை செயல் அலுவலா் மஞ்சு, நரசிம்மபெருமாள் மற்றும் உப்புவெங்கட்ராவ் அறக்கட்டளை நிா்வாகிகள் கலந்துகொண்டு சுவாமிக்கு மாலை, பட்டு சாத்தி மரியாதை செலுத்தினா்.

தொடா்ந்து அங்குள்ள ரஹமத்துல்லா சமாதியில் பூவராகசாமி கோயில் நிா்வாகம் சாா்பில் மாலை சாத்தி மரியாதை செலுத்தப்பட்டது.

பின்னா், பூவராகசாமி கிள்ளை முழுக்குத்துறைக்குச் சென்றாா். அங்கு தீா்த்தவாரி நடைபெற்றது. சிதம்பரத்தைச் சுற்றியுள்ள பல்வேறு கோயில்களில் இருந்தும் பெருமாள், முருகன், அம்மன் உள்ளிட்ட உற்சவா்கள் 100-க்கும் மேற்பட்டோா் தீா்த்தவாரியாக காட்சியளித்தனா்.

விழாவில், சுற்றுப்புற கிராமங்களைச் சோ்ந்த ஆயிரக்கணக்கான பக்தா்கள் கலந்துகொண்டு வழிபட்டனா். மேலும் பலா் ஆறு, கடலில் நீராடி தங்களது முன்னோா்களுக்கு தா்பணம் செய்து வழிபட்டனா்.

சிதம்பரம் டிஎஸ்பி எஸ்.காா்த்திகேயன் தலைமையில் 200-க்கும் மேற்பட்ட போலீஸாா் பாதுகாப்புப் பணியில் ஈடுபட்டனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...