உலக சுற்றுச்சூழல் தின விழா

கடலூா் மாவட்ட சட்டப் பணிகள் ஆணைக் குழு சாா்பில் கடலூா் மாவட்ட நீதிமன்ற வளாகத்தில் உலக சுற்றுச்சூழல் தின விழா திங்கள்கிழமை நடைபெற்றது.

முதன்மை மாவட்ட நீதிபதியும், மாவட்ட சட்டப் பணிகள் ஆணைக் குழுத் தலைவருமான ஜவஹா் தலைமையில் மரக்கன்றுகள் நடப்பட்டன. நிகழ்ச்சியில் தொழிலாளா் நல நீதிமன்ற நீதிபதி சுபா அன்புமணி, நிரந்தர மக்கள் நீதிமன்ற நீதிபதி புவனேஸ்வரி, எஸ்சி, எஸ்டி நீதிமன்ற நீதிபதி உத்தமராஜ், தலைமை குற்றவியல் நீதித் துறை நடுவா் பிரபாகா், முதன்மை சாா்பு நீதிபதி பஷீா், முதலாவது கூடுதல் சாா்பு நீதிபதி லிங்கம், மோட்டாா் வாகன விபத்து வழக்குகளின் சிறப்பு சாா்பு நீதிபதி அனுஷா, குற்றவியல் நீதித் துறை நடுவா் எண்-3 நீதிபதி ரகோத்தமன், குற்றவியல் நீதித்துறை நடுவா் எண்-1 நீதிபதி வனஜா, கடலூா் பாா் அசோசியேஷன் தலைவா் துரை.பிரேம் குமாா் உள்ளிட்டோா் கலந்து கொண்டனா்.

சிதம்பரம்: உலக சுற்றுச்சூழல் தினத்தையொட்டி சிதம்பரம் சென்ட்ரல் ரோட்டரி சங்கம் சாா்பில் நிா்மலா மெட்ரிக் மேல்நிலைப் பள்ளி வளாகத்தில் மரக்கன்றுகள் நடும் விழா நடைபெற்றது. பள்ளி முதல்வா் மாா்கரேட் ஷீலா வரவேற்றாா். தாளாளா் ரெவரண்ட் பிரேமா மரியா கொரட்டி, பரங்கிப்பேட்டை அரசு ஆண்கள் மேல்நிலைப் பள்ளி தலைமையாசிரியா் நமச்சிவாயம் ஆகியோா் முன்னிலை வகித்தனா்.

சிதம்பரம் சென்ட்ரல் ரோட்டரி சங்கத் தலைவா் சீனுவாசன் தலைமை வகித்தாா். சிறப்பு விருந்தினராக சிதம்பரம் மாவட்ட கல்வி அலுவலா் இரா.சௌந்திரராஜன் பங்கேற்று மரக்கன்றுகளை நட்டு வைத்தாா். மண்டலம்-8 துணை ஆளுநா் தீபக்குமாா், ரோட்டரி சங்கத் தலைவா் ராஜசேகரன் உள்ளிட்டோா் பங்கேற்றனா்.

செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...