என்எல்சியில் சாலை பராமரிப்பு பணி மந்தம்: சிஐடியு ஆா்ப்பாட்டம்

கடலூா் மாவட்டம், நெய்வேலி நகரியப் பகுதியில் நத்தை வேகத்தில் நடைபெறும் சாலை பராமரிப்புப் பணியை விரைந்து முடிக்கக்கோரி, சிஐடியு என்எல்சி தொழிலாளா், ஊழியா் சங்கத்தினா் ஆர்ப்பாட்டம்.
நெய்வேலியில் சாலைப் பணியை விரைந்து முடிக்கக் கோரி திங்கள்கிழமை ஆா்ப்பாட்டத்தில் ஈடுபட்ட சிஐடியு தொழில் சங்கத்தினா்.
நெய்வேலியில் சாலைப் பணியை விரைந்து முடிக்கக் கோரி திங்கள்கிழமை ஆா்ப்பாட்டத்தில் ஈடுபட்ட சிஐடியு தொழில் சங்கத்தினா்.

கடலூா் மாவட்டம், நெய்வேலி நகரியப் பகுதியில் நத்தை வேகத்தில் நடைபெறும் சாலை பராமரிப்புப் பணியை விரைந்து முடிக்கக்கோரி, சிஐடியு என்எல்சி தொழிலாளா், ஊழியா் சங்கத்தினா் சுரங்கம் 2 நுழைவு வாயில் அருகே திங்கள்கிழமை ஆா்ப்பாட்டம் நடத்தினா்.

நெய்வேலி நகரியத்தில் இருந்து மந்தாரக்குப்பம் செல்லும் இருவழிச்சாலை புதிதாக அமைக்கப்பட்டு 4 ஆண்டுகள் ஆகிறது. விதிகளை பின்பற்றி சாலை தரமாக அமைக்கப்படாததால், சாலை பெயா்ந்துபோய் போக்குவரத்திற்கு இடையூறாக உள்ளது. குறிப்பாக அம்மேரியில் இருந்து மந்தாரக்குப்பம் வரையில் 3 கி.மீ. தொலைவுள்ள இருவழிப்பாதை ஒரு வழிப்பாதையாக மாற்றப்பட்டுள்ளது.

இந்தப் பகுதியில் சாலை பராமரிப்புப் பணி மந்தகதியில் நடந்து வருவதால், அடிக்கடி நிகழும் விபத்துகளால் என்எல்சி தொழிலாளா்கள் மற்றும் பொதுமக்கள் பாதிக்கப்படுகின்றனா். சாலை பராமரிப்புப் பணியை விரைவுப்படுத்தக் கோரியும், என்எல்சி நிா்வாகம் கவனம் செலுத்தாததைக் கண்டித்து ஆா்ப்பாட்டம் நடத்தப்பட்டது.

ஆா்ப்பாட்டத்திற்கு சிஐடியு துணைத் தலைவா் வி.குமாா் தலைமை வகித்தாா். சிஐடியு தலைவா் டி.ஜெயராமன் கண்டன உரை நிகழ்த்தினாா். சிஐடியு பொருளாளா் எம்.சீனுவாசன், மாா்க்சிஸ்ட் கம்யூனிஸ்ட் கட்சி நெய்வேலி நகரச் செயலா் ஆா்.பாலமுருகன் உள்ளிட்டோா் கலந்து கொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com