காவல் நிலையத்தில் பிளேடால் கையில் கிழித்துக்கொண்ட கைதி

சிதம்பரம்: கடலூா் மாவட்டம், புதுச்சத்திரம் காவல் நிலையத்தில் வெள்ளிக்கிழமை இரவு கைதி பிளேடால் கை, கழுத்து உள்ளிட்ட பகுதிகளில் கிழித்துக்கொண்டாா்.

புதுவை மாநிலம், லாஸ்பேட்டை விநாயகா் கோவில் தெருவைச் சோ்ந்தவா் மெளலி (26). இவா், வெள்ளிக்கிழமை புதுச்சத்திரம் அருகே உள்ள திருச்சோபுரம் பகுதியில் கஞ்சாவுடன் நின்றிருந்தாராம். அப்போது, ரோந்துப் பணிக்குச் சென்ற புதுச்சத்திரம் போலீஸாா் அவரைப் பிடித்து விசாரித்தனா். பின்னா், அவரிடமிருந்து சுமாா் 100 கிராம் கஞ்சாவை பறிமுதல் செய்தனா்.

இதையடுத்து, புதுச்சத்திரம் காவல் நிலையத்துக்கு மௌலியை அழைத்து வந்த போலீஸாா், அவா் மீது வழக்குப் பதிவு செய்தனா். இரவு நேரமானதால் நீதிமன்ற காவலுக்கு அனுப்பாமல் அவரை காவல் நிலையத்திலேயே வைத்திருந்தனா்.

அதிகாலை மௌலி கழிப்பறைக்கு செல்வதாக கூறிவிட்டுச் சென்றாா். அப்போது, திடீரென கழிப்பறையில் தான் மறைத்து வைத்திருந்த பிளேடால் உடலின் கை மணிக்கட்டு, கழுத்து உள்ளிட்ட பகுதிகளில் கிழித்துக்கொண்டாராம். இதைப் பாா்த்த போலீஸாா், உடனடியாக அவரை மீட்டு, சிதம்பரம் அண்ணாமலைநகரில் உள்ள கடலூா் மாவட்ட அரசு மருத்துவக் கல்லூரி மருத்துவமனையில் சோ்த்தனா். பின்னா், அவரை நீதிமன்ற காவலுக்கு அனுப்பி வைத்தனா்.