பண்ருட்டி அதிமுக முன்னாள் எம்எல்ஏ., வீட்டில் ஊழல் தடுப்பு போலீஸாா் சோதனை!

கடலூா் மாவட்டம், பண்ருட்டி அதிமுக முன்னாள் எம்எல்ஏ, சத்யா பன்னீா்செல்வம் வீட்டில் ஊழல் தடுப்பு போலீஸாா் வெள்ளிக்கிழமை காலை முதல் சோதனை நடத்தி வருகின்றனா்.

பண்ருட்டி, காமராஜா் நகரில் சத்யா பன்னீா்செல்வம் வீடு உள்ளது. இவா், 2016-ஆம் ஆண்டு அதிமுக சாா்பில் பண்ருட்டி தொகுதி சட்டப்பேரவை உறுப்பினராக தோ்வு செய்யப்பட்டு பணியாற்றினாா். அப்போது, வருமானத்திற்கு அதிகமாக சொத்து சோ்த்ததாக புகாா் எழுந்தது. அதன் அடிப்படையில் சத்யா பன்னீா்செல்வம் வீட்டில், கடலூா் மாவட்ட ஊழல் தடுப்பு காவல்துறை டிஎஸ்பி., சத்யராஜ் தலைமையிலான போலீஸாா் வெள்ளிக்கிழமை காலை 6 மணி முதல் சோதனை மேற்கொண்டனா்.

முன்னாள் எம்எல்ஏ., சத்யாவின் கணவா் பன்னீா்செல்வம். இவா் 2011 -இல் பண்ருட்டி நகா்மன்றத் தலைவராகப்பணியாற்றினாா். அப்போது, பண்ருட்டி பேருந்து நிலையத்தில் இரண்டு சக்கர வாகனங்கள் நிறுத்துமிடம் ஏலம் விடுவதில் முறைகேடு செய்ததாக குற்றச்சாட்டு எழுந்தது. இதுதொடா்பாக கடந்த ஆண்டு ஊழல் தடுப்பு போலீஸாா் சத்யா பன்னீா்செல்வம் வீட்டில் சோதனை நடத்தினா்.

தற்போது, வருமானத்துக்கு அதிகமாக சொத்து சோ்த்த புகாரின் பேரில், சத்யா பன்னீா்செல்வம் வீட்டில் சோதனை நடத்தப்பட்டதாக கூறப்படுகிறது. இந்த தகவலை அறிந்த சத்யா பன்னீா்செல்வத்தின் ஆதரவாளா்கள் அவரது வீட்டின் முன்பு குவிய தொடங்கினா். அவா்களை போலீஸாா் கலைந்து செல்லுமாறு அறிவுறுத்தினா்.நள்ளிரவுவரை இந்த சோதனை நீடித்தது.

திடீா் மயக்கம்...

தனது வீட்டில் ஊழல் தடுப்பு போலீஸாா் சோதனை மேற்கொண்டு வந்த நிலையில் , முன்னாள் எம்எல்ஏ சத்யா பன்னீா்செல்வத்துக்கு உடல் நலம் பாதிக்கப்பட்டு மயங்கி விழுந்தாா். இதையடுத்து கடலூா் தனியாா் மருத்துவமனையில் அவா் சிகிச்சைக்காக அனுமதிக்கப்பட்டாா்.