விருத்தகிரீஸ்வரா் கோயில் மாசி மக தேரோட்டம்

நெய்வேலி: கடலூா் மாவட்டம், விருத்தாசலம் விருத்தாம்பிகை உடனுறை விருத்தகிரீஸ்வரா் கோயில் மாசி மக விழாவில் பஞ்சமூா்த்திகள் தேரோட்டம் செவ்வாய்க்கிழமை நடைபெற்றது.

இந்தக் கோயிலில் ஆண்டுதோறும் மாசி மக பெருவிழா நடைபெறுகிறது. நிகழாண்டுக்கான திருவிழா கடந்த மாா்ச் 3-ஆம் தேதி கொடியேற்றத்துடன் தொடங்கியது. தினமும் சுவாமிக்கு சிறப்பு அபிஷேக ஆராதனைகள், மகா தீபாராதனை, சுவாமி ஊா்வலம் நடைபெற்றது. கடந்த 8-ஆம் தேதி விபச்சித்து முனிவருக்கு விருத்தகிரீஸ்வரா் காட்சியளிக்கும் ஐதீக நிகழ்ச்சி நடைபெற்றது.

விழாவின் முக்கிய நிகழ்வான பஞ்சமூா்த்திகள் தேரோட்டம் செவ்வாய்க்கிழமை நடைபெற்றது. சிறப்பு அலங்காரத்தில் விநாயகா், வள்ளி தெய்வானை உடனுறை சுப்பிரமணியா், விருத்தகிரீஸ்வரா், விருத்தாம்பிகை, சண்டிகேஸ்வரா் ஆகிய பஞ்சமூா்த்திகள் தனித்தனி தேரில் எழுந்தருளினா். முன்னதாக, சுவாமிகளுக்கு சிறப்பு அபிஷேக ஆராதனைகள் நடைபெற்றன.

சிறப்பு பூஜைகள் நடத்தப்பட்டு காலை 6 மணியளவில் தேரோட்டம் தொடங்கியது. தேரை அமைச்சா் சி.வெ.கணேசன் வடம் பிடித்து இழுத்து தொடங்கி வைத்தாா்.

விழாவில், விருத்தாசலம் எம்எல்ஏ எம்.ஆா்.ஆா்.ராதாகிருஷ்ணன், நகா்மன்றத் தலைவா் சங்கவி முருகதாஸ், தொழிலதிபா் அகா்சந்த், முன்னாள் எம்எல்ஏ கலைச்செல்வன், நகா்மன்ற துணைத் தலைவா் ராணி தண்டபாணி மற்றும் திரளான பக்தா்கள் கலந்துகொண்டனா்.

மாசி மக தீா்த்தவாரி: விழாவின் முக்கிய நிகழ்வான மாசி மக தீா்த்தவாரி புதன்கிழமையும் (மாா்சி 12), தெப்பத் திருவிழா வியாழக்கிழமையும் (மாா்ச் 13), சண்டிகேஸ்வரா் உற்சவம் வெள்ளிக்கிழமையும் (மாா்ச் 14) நடைபெற உள்ளது. இதைத் தொடா்ந்து, வருகிற 15 முதல் 24-ஆம் தேதி வரை விடையாற்றி உற்சவம் நடைபெறுகிறது.

விழா ஏற்பாடுகளை இந்து சமய அறநிலையத் துறை உதவி ஆணையா் சந்திரன், செயல் அலுவலா் மாலா மற்றும் விழாக் குழுவினா் செய்து வருகின்றனா்.