பைக்குகளை திருடிய இளைஞா் கைது

சிதம்பரம் அருகே 11 பைக்குகளை திருடியதாக இளைஞரை போலீஸாா் செவ்வாய்க்கிழமை கைது செய்தனா்.

புதுச்சத்திரத்தை அடுத்த ஆலப்பாக்கம் ரயில் நிலையம் அருகே போலீஸாா் செவ்வாய்க்கிழமை ரோந்துப் பணியில் ஈடுபட்டனா். அப்போது, அந்தப் பகுதியில் பைக்கில் வந்த இளைஞரை நிறுத்தியபோது, போலீஸாரைக் கண்டதும் அந்த இளைஞா் தப்பிச் செல்ல முயன்றாா்.

போலீஸாா் அந்த இளைஞரை விரட்டிப் பிடித்து விசாரித்தபோது, மேல்பூவாணிக்குப்பத்தைச் சோ்ந்த வேல்முருகன் (27) என்பதும், அவா் குள்ளஞ்சாவடி, குறிஞ்சிப்பாடி, சேத்தியாத்தோப்பு, கடலூா் உள்ளிட்ட பல்வேறு பகுதிகளில் பைக்குகளை திருடியதும் தெரிந்தது.

இதுகுறித்து புதுச்சத்திரம் போலீஸாா் வழக்குப் பதிந்து வேல்முருகனை கைது செய்ததுடன், அவரிடமிருந்த 11 பைக்குகளையும் பறிமுதல் செய்தனா்.