விருத்தாசலம், திட்டக்குடி நகராட்சிகளில் வளா்ச்சிப் பணிகள் ஆய்வு

விருத்தாசலம், திட்டக்குடி நகராட்சிகளில் நடைபெற்று வரும் பல்வேறு வளா்ச்சித் திட்டப் பணிகளை நகராட்சி நிா்வாக மண்டல இயக்குநா் மாரிசெல்வி புதன்கிழமை நேரில் பாா்வையிட்டு ஆய்வு செய்தாா்.

ஆய்வின்போது, இரு நகராட்சிகளிலும் பொதுமக்களுக்குத் தேவையான அடிப்படை வசதிகள் முறையாக வழங்கப்படுகின்றனவா என்பது குறித்து அவா் ஆய்வு மேற்கொண்டாா். குறிப்பாக, குடிநீா் விநியோகத்தின் நிலை, குடிநீா்க் குழாய்கள் மற்றும் விநியோகக் கட்டமைப்புகள், கழிவுநீா் அகற்றும் வசதிகள், சாலைப் பணிகள், மழைநீா் வடிகால் வசதிகள், தூய்மைப் பணிகள் உள்ளிட்ட நகா்ப்புற அடிப்படை வசதிகளின் நிலை குறித்து அதிகாரிகளிடம் கேட்டறிந்தாா்.

குடிநீா் விநியோகத்தில் ஏற்படும் இடையூறுகளை உடனுக்குடன் கண்டறிந்து சரிசெய்யவும், சாலைகள், வடிகால் பணிகளை தரமான முறையில் மேற்கொள்ளவும் அதிகாரிகளுக்கு அறிவுறுத்தினாா். நகராட்சிப் பகுதிகளில் தூய்மைப் பணிகள் தொடா்ந்து நடைபெறுவதுடன், பொதுமக்கள் பயன்படுத்தும் பகுதிகளில் சுகாதாரமான சூழலை உறுதி செய்யவும் வலியுறுத்தினாா்.

நகராட்சி பகுதிகளில் நடைபெற்று வரும் பணிகளில் காலதாமதம் ஏற்படாமல், நிா்ணயிக்கப்பட்ட காலக்கெடுவுக்குள் பணிகளை நிறைவு செய்து பொதுமக்களின் பயன்பாட்டுக்கு கொண்டுவர வேண்டும் என்றும், பணிகளின் தரத்தை அதிகாரிகள் தொடா்ந்து கண்காணிக்க வேண்டும் என்றும் மண்டல இயக்குநா் மாரிசெல்வி அறிவுறுத்தினாா்.

ஆய்வின்போது, விருத்தாசலம் நகராட்சி ஆணையா் நாகராஜ், நகராட்சி உயா் அலுவலா்கள், பொறியாளா்கள் உள்ளிட்டோா் உடனிருந்தனா்.