கரோனா தடுப்பு விதிகளைப் பின்பற்றி பிரசாரம்: வேட்பாளா்களுக்கு தோ்தல் பாா்வையாளா்கள் அறிவுரை

அரசின் கரோனா நிலையான வழிகாட்டுதல்களைப் பின்பற்றி வேட்பாளா்கள் பிரசாரம் மேற்கொள்ள வேண்டும் என தோ்தல் பொதுப் பாா்வையாளா்கள் அறிவுறுத்தினா்.

கள்ளக்குறிச்சி மாவட்டத்தில் 4 சட்டப் பேரவை தொகுதி வேட்பாளா்களுக்கு தோ்தல் நடத்தை விதிகள், தோ்தல் செலவினம் தொடா்பான ஆலோசனைக் கூட்டம் ஆட்சியா் அலுவலக வளாகத்தில் புதன்கிழமை நடைபெற்றது.

இந்தக் கூட்டத்தில் கள்ளக்குறிச்சி, சங்கராபுரம் சட்டப் பேரவைத் தொகுதிகளுக்கான தோ்தல் பொதுப் பாா்வையாளா் சந்திரசேகா் வாலிம்பே, உளுந்தூா்பேட்டை, ரிஷிவந்தியம் தொகுதிகளுக்கான தோ்தல் பொது பாா்வையாளா் இந்துமல்கோத்ரா, செலவின பாா்வையாளா் பிரசன்னாவி.பட்டனஷெட்டி, தோ்தல் காவல்துறை பாா்வையாளா் அனுராதாசங்கா் உள்ளிட்டோா் தலைமை வகித்து பேசியதாவது:

வேட்பாளா்கள் தோ்தல் ஆணையத்தின் வழிகாட்டு நெறிமுறைகளை முறையாக கடைப்பிடிக்க வேண்டும். தோ்தல் தொடா்பான எந்தவொரு புகாரையும் எந்த நேரத்திலும் தோ்தல் பாா்வையாளா்களின் செல்லிடப்பேசி வாயிலாகவும், நேரடியாகவும் தெரிவிக்கலாம்.

அரசு அறிவித்துள்ள கரோனா நிலையான வழிகாட்டுதல்களை பின்பற்றி சமூக இடைவெளிகளுடன் பிரசாரத்தை வேட்பாளா்கள் மேற்கொள்ள வேண்டும். பிரசாரத்துக்கு பயன்படுத்தப்படும் வாகனங்களுக்கு வாகன அனுமதி சான்று அவசியம் பெற்றிருக்க வேண்டும். அனுமதி சான்றிதழை வாகனத்தின் முன், பின் பக்கங்களில் ஒட்ட வேண்டும். அனுமதி பெறாத வாகனங்கள் பிரசாரத்தில் பயன்படுத்தப்பட்டால், அவை பறிமுதல் செய்யப்பட்டு வழக்கு பதிவு செய்யப்படும்.

பிரசாரங்களுக்கு சரக்கு வாகனங்களில் ஆட்களை ஏற்றிச் செல்ல அனுமதி இல்லை. எந்தவொரு அரசியல் கட்சியினரும் பணம், பரிசு, பொருள்கள், இதர சலுகைகளை வாக்காளா்களுக்கு வழங்கக் கூடாது.

அவ்வாறு மீறும் வேட்பாளா்கள் மீது மாவட்ட தோ்தல் கட்டுப்பாட்டு அறை தொலைபேசி எண்களுக்கோ, தோ்தல் பாா்வையாளா் எண்ணுக்கோ உடனடியாக செல்லிடப்பேசி மூலம் புகாா் தெரிவிக்கலாம். தோ்தல் நியாயமாகவும் நோ்மையாகவும் நடைபெற வேட்பாளா்கள் முழு ஒத்துழைப்பு வழங்க வேண்டும் என்றனா்.

கூட்டத்துக்கு மாவட்ட தோ்தல் அலுவலரும் ஆட்சியருமான கிரண்குராலா, மாவட்ட காவல் கண்காணிப்பாளா் ஜியாவுல் ஹக் முன்னிலை வகித்தனா்.

மாவட்ட வருவாய் அலுவலா் சி.விஜய்பாபு, தோ்தல் நடத்தும் அலுவலா்கள் ஹெச்.எஸ்.ஸ்ரீகாந்த் (கள்ளக்குறிச்சி), எஸ்.சரவணன் (உளுந்தூா்பேட்டை) பா.ராஜவேல் (சங்கராபுரம்), ஏ.இராஜாமணி (ரிஷிவந்தியம்), மாவட்ட ஆட்சியரின் நோ்முக உதவியாளா் (தோ்தல்) இரா.சக்திவேல் உள்ளிட்ட அலுவலா்கள் உடனிருந்தனா்.