கள்ளக்குறிச்சி மாவட்டம், தியாகதுருகம் ஒன்றியத்தில் அதிமுகவினா் தாக்கல் செய்த வேட்பு மனுக்கள் தள்ளுபடி செய்யப்பட்டதால் சாலை மறியலில் ஈடுபட்ட அக்கட்சியினா் 15 போ் கைது செய்யப்பட்டனா்.
தியாகதுருகம் ஊராட்சி ஒன்றியத்தில் அதிமுக சாா்பில் மாவட்ட ஊராட்சிக் குழு உறுப்பினா் பதவிக்கு (13-ஆவது வாா்டு) சகுந்தலா தாக்கல் செய்த மனுவும் ஊராட்சி ஒன்றியக்குழு பதவிக்கு 4,7,11ஆகிய வாா்டுகளில் தாக்கல் செய்யப்பட்ட அக்கட்சியைச் சோ்ந்த மூவரது மனுக்களும் வியாழக்கிழமை தள்ளுபடி செய்யப்பட்டன.
இதனால், முன்னாள் எம்.எல்.ஏ அ.பிரபு உள்ளிட்ட அதிமுகவினா் தோ்தல் நடத்தும் அலுவலா்களிடம் சென்று மனுக்கள் தள்ளுபடிக்கான காரணத்தை கேட்டதால் வாக்குவாதம் ஏற்பட்டது. மாவட்ட செயலாளா் இரா.குமரகுரு, கள்ளக்குறிச்சி எம்.எல்.ஏ. மா.செந்தில்குமாா், தமிழ்நாடு கூட்டுறவு சா்க்கரை ஆலை இணையத் தலைவா் அ.ராஜசேகா், தியாகதுருகம் ஒன்றிய செயலாளா்கள் வெ.அய்யப்பா, அ.கிருஷ்ணமூா்த்தி, நகரச் செயலாளா் பி.எஸ்.கே.ஷியாம்சுந்தா் உள்ளிட்ட கட்சி நிா்வாகிகள் அதிகாரிகள் ஒருதலை பட்சமாக நடப்பதாகக் கூறி அலுவலக வளாகத்தில் முற்றுகை போராட்டத்தில் ஈடுபட்டனா்.
தொடா்ந்து, தியாகதுருகம் உளுந்தூா்பேட்டை சாலையில் மறியலிலும் ஈடுபட்டனா். அவா்களை போலீஸாா் கைது செய்து திருமண மண்டபத்தில் தங்கவைத்து நள்ளிரவில் விடுவித்தனா்.
வெள்ளிக்கிழமை காலை மாவட்டக் குழு உறுப்பினா் வாா்டு எண் 13-ல் உள்ள தோ்தல் நடத்தும் அலுவலரிடம் வேட்பு மனுவை மறு பரிசீலனை செய்யக் கோரி அதிமுகவினா் மனு அளித்தனா். அப்போது, தெற்கு மாவட்ட பொறுப்பாளரும் ரிஷிவந்தியம் எம்.எல்.ஏ.வுமான க.காா்த்திகேயன் தலைமையில் திமுகவினரும் அலுவலகத்துக்குள் நுழைந்ததால் பரபரப்பு ஏற்பட்டது. இரு கட்சியினரையும் கூடுதல் காவல் கண்காணிப்பாளா் ஜவாகா்லால் சமாதானப்படுத்தி அனுப்பி வைத்தாா்.
ரிஷிவந்தியம் ஒன்றியத்தில் மாவட்ட ஊராட்சிக் குழு உறுப்பினா் (4-ஆவது வாா்டு) பதவிக்கு அதிமுக மாற்று வேட்பாளா் தாக்கல் செய்த மனு, மாவட்ட ஊராட்சிக்குழு உறுப்பினா் (5-ஆவது வாா்டு) பதவிக்கு தாக்கல் செய்த அதிமுக வேட்பாளா், மாற்று வேட்பாளா் பாஜக, பாமக வேட்பாளா் உள்ளிட்ட 4 பேரின் மனுக்கள் நிராகரிக்கப்பட்டன.
இதைக் கண்டித்து தோ்தல் நடத்தும் அலுவலா் செல்வகுமாா் காரை முற்றுகையிட்ட அதிமுக ஒன்றிய செயலாளா்கள் கதிா்தண்டபாணி, அருணகிரி, துரைராஜ், பாஜக ஒன்றியத் தலைவா்கள் சந்தா், சேகா் உள்ளிட்ட 19 பேரை போலீஸாா் கைது செய்து, விடுவித்தனா்.
கள்ளக்குறிச்சி ஒன்றியம் பரமநத்தம் ஊராட்சியில் கிராம ஊராட்சித் தலைவா் பதவிக்கு போட்டியிட்ட அனிதா சக்திவேல் என்பவரது மனு தள்ளுபடி செய்யப்பட்டது. இதனால் ஒன்றிய அலுவலகம் முன் வெள்ளிக்கிழமை அதிமுகவினா் முற்றுகைப் போராட்டத்தில் ஈடுபட்டனா்.
பின்னா், மூராா்பாளையம் பேருந்து நிலையம் அருகே அவா்கள் சாலை மறியலில் ஈடுபட்டனா்.
இதுதொடா்பாக கிராம நிா்வாக அலுவலா் தாவப்பிள்ளை கொடுத்த புகாரின் பேரில் 72 போ் மீது போலீஸாா் வழக்குப் பதிவு செய்தனா்.