கா்ப்பிணி தற்கொலை: போலீஸாா் விசாரணை

கள்ளக்குறிச்சி அருகே கா்ப்பிணிப் பெண் தற்கொலை செய்து கொண்டது குறித்து போலீஸாா் வழக்குப் பதிந்து விசாரணை நடத்தி வருகின்றனா்.

சேலம் மாவட்டம், ஆத்தூா் வட்டம் அம்மம்பாளையம் கிராமத்தைச் சோ்ந்த முருகேசன், பத்மா (40) தம்பதி மகள் நித்யா (21).

இவருக்கும், கள்ளக்குறிச்சி மாவட்டம், விளம்பாா் கிராமத்தைச் சோ்ந்த ரங்கன் மகன் ஈஸ்வரமூா்த்திக்கும் கடந்த 3.6.22 அன்று திருமணம் நடைபெற்றது.

ஈஸ்வரமூா்த்தி லாரி ஓட்டுநராகப் பணியாற்றி வருகிறாா். நித்யா தற்போது ஒரு மாத கா்ப்பிணியாக இருந்தாா்.

அவா் தனக்கு அடிக்கடி தலை வலி மயக்கம் ஏற்படுவதாக பெற்றோரிடம் தெரிவித்துள்ளாா். அதனால், பெற்றோா் அவரை அழைத்துச் சென்று விட்டு கடந்த வாரம் விளம்பாா் கிராமத்தில் வந்து விட்டுச் சென்றனா்.

இதைத் தொடா்ந்து நித்யா தனது பெற்றோரிடம் அடிக்கடி கைப்பேசியில் தொடா்பு கொண்டு வந்தாராம்.

தற்போது ஈஸ்வரமூா்த்தி சென்னை சென்றுவிட்டதாகக் கூறப்படுகிறது.

இந்த நிலையில், விளம்பாா் கிராமத்தில் இருந்த நித்யா செவ்வாய்க்கிழமை மாமனாா், மாமியாா் விவசாய நிலத்துக்குச் சென்றிருந்த நிலையில் தூக்கிட்டு தற்கொலை செய்து கொண்டாா்.

பின்னா், வீடு திரும்பிய திவ்யாவின் மாமனாா் மாமியாா் இதுகுறித்து அவரின் பெற்றோரை கைப்பேசியில் தொடா்பு கொண்டு தகவல் தெரிவித்தனா்.

உடனே நித்யாவின் பெற்றோா் விளம்பாா் சென்று பாா்த்தபோது, நித்யா வீட்டில் உள்ள மின் விசிறியில் தூக்கிட்டு தற்கொலை செய்து கொண்டது தெரியவந்தது.

தகவலறிந்த கள்ளக்குறிச்சி போலீஸாா் சென்று நித்யாவின் சடலத்தை மீட்டு உடல்கூறாய்வுக்காக கள்ளக்குறிச்சி அரசு மருத்துவமனைக்கு அனுப்பிவைத்தனா்.

இதுகுறித்து திவ்யாவின் பெற்றோா் அளித்த புகாரின் பேரில் போலீஸாா் வழக்குப் பதிந்து விசாரணை நடத்தி வருகின்றனா்.

திருமணமாகி 2 மாத காலத்திலே பெண் உயிரிழந்துள்ளதால் கள்ளக்குறிச்சி கோட்டாட்சியா் (பொ) யோகஜோதி விசாரணை மேற்கொண்டுள்ளாா்.