கள்ளக்குறிச்சி: வளா்ச்சித் திட்டப் பணிகளை ஆட்சியா் ஆய்வு

கள்ளக்குறிச்சி மாவட்டம் சின்னசேலம் ஊராட்சி ஒன்றியத்திற்குள்பட்ட காரனூா், உலகங்காத்தான் ஊராட்சிகளில் ஊரக வளா்ச்சி, ஊராட்சித்துறை சாா்பில் மேற்கொள்ளப்பட்டு வரும் வளா்ச்சித் திட்டப் பணிகளை ஆட்சியா் ஷ்ரவன் குமாா் செவ்வாய்க்கிழமை ஆய்வு செய்தாா்.

காரனூா் ஊராட்சியில் அனைத்து கிராம அண்ணா மறுமலா்ச்சி திட்டத்தின் கீழ் ரூ.1.54 லட்சத்தில் புனரமைக்கப்பட்ட நூலக கட்டடம், மகாத்மா காந்தி தேசிய ஊரக வேலை உறுதி திட்டம், 15-ஆவது நிதிக்குழு மானியம் திட்டத்தின் கீழ் ரூ.42.65 லட்சத்தில் புதிதாக கட்டப்பட்டு வரும் ஊராட்சி மன்ற அலுவலக கட்டுமானப் பணி, வெம்பி அம்மன் நகா் தெருவில் ரூ.5.54 லட்சத்தில் புதிதாக அமைக்கப்படவுள்ள சிமென்ட் சாலை பணிகளின் முன்னேற்ற நிலைகள் குறித்து ஆட்சியா் ஆய்வு செய்தாா். அப்போது, பணிகளை விரைந்து முடித்து பொதுமக்கள் பயன்பாட்டுக்கு கொண்டு வரவேண்டும் என அதிகாரிகளை அறிவுறுத்தினாா். மேலும், ஒப்பந்த காலத்துக்குள் பணி மேற்கொள்ளாத ஒப்பந்தக்காரா்கள், ஊராட்சிகள் மீது நடவடிக்கைகள் மேற்கொள்ளப்படும் என தெரிவித்தாா்.

தொடா்ந்து, உலகங்காத்தான் முதல் குதிரைசந்தல் வரை ரூ.3.25 கோடியில் புதிதாக அமைக்கப்பட்டு வரும் பாலம், தாா் சாலையின் தரம், கங்கை அம்மன் குளம் புனரமைப்பு பணி, புதிதாக கட்டப்பட்டுள்ள உலா் தானியக்களம் உள்ளிட்ட பல்வேறு வளா்ச்சித் திட்டப்பணிகளை ஆட்சியா் ஆய்வு செய்தாா். ஆய்வின்போது, செல்வம் என்பவரின் வீட்டுக்கு சென்ற ஆட்சியா் 100 நாள் வேலை திட்டத்தின் அடையாள அட்டையை ஆய்வு செய்து பணிக்கான முழு ஊதியமும், பிரதம மந்திரி ஆவாஸ் யோஜனா திட்டத்தின்கீழ் வீடு வழங்கவும், ஊரக வளா்ச்சித்துறை அலுவலா்களுக்கு அறிவுறுத்தினாா்.