தடுப்பூசி முகாம் தொடக்கி வைப்பு

கள்ளக்குறிச்சி: கள்ளக்குறிச்சியில் ‘மிஷன் இந்திர தனுஷ் 5.0’ திட்டத்தின் கீழ் நடைபெற்ற சிறப்பு தடுப்பூசி முகாமை மாவட்ட ஆட்சியா் ஷ்ரவன்குமாா் திங்கள்கிழமை தொடங்கி வைத்தாா்.

தமிழகம் முழுவதும் சுகாதாரத் துறை சாா்பில் ‘மிஷன் இந்திர தனுஷ் 5.0’ திட்டத்தின் கீழ் சிறப்பு தடுப்பூசி முகாம்கள் நடத்த அறிவுறுத்தப்பட்டுள்ளது. அதன்படி, முதல்கட்ட தடுப்பூசி முகாம் ஆக.7-ஆம் தேதி முதல் 12-ஆம் தேதி வரை நடைபெறுகிறது.

கள்ளக்குறிச்சி மாவட்டத்தில் தடுப்பூசி முகாமை மாவட்ட ஆட்சியா் திங்கள்கிழமை தொடங்கி வைத்து குழந்தைகளுக்கு தடுப்பூசி செலுத்தும் பணியை பாா்வையிட்டாா். பின்னா், தடுப்பூசி செலுத்திக் கொண்ட குழந்தைகளின் பெற்றோரிடம் தடுப்பூசிக்கான அட்டையை வழங்கினாா். மேலும், தடுப்பூசி செலுத்துவதன் முக்கியத்துவம் குறித்து பொதுமக்களுக்கு எடுத்துக் கூறியதுடன், 5 வயதுக்குள்பட்ட குழந்தைகளுக்கு விடுபடாமல் தடுப்பூசி செலுத்திட சுகாதாரத்துறை அலுவலா்களுக்கு அறிவுறுத்தினாா்.

நிகழ்ச்சியில், துணை இயக்குநா் (சுகாதாரப்பணிகள்) சு.ராஜா, மருத்துவா்கள், செவிலியா்கள், சுகாதாரப் பணியாளா்கள் உடனிருந்தனா்.