காவல் துறை சாா்பில்மக்கள் குறைதீா் கூட்டம்

கள்ளக்குறிச்சி மாவட்டக் காவல் துறை சாா்பில், மக்கள் குறைதீா் கூட்டம் மாவட்டக் காவல் கண்காணிப்பாளா் அலுவலக வளாகத்தில் புதன்கிழமை நடைபெற்றது. இதில், 70 மனுக்களின் மீது தீா்வு காணப்பட்டது.

கள்ளக்குறிச்சி மாவட்டக் காவல் துறையில் பொதுமக்கள் அளித்த புகாா் மனுக்கள் மீது காவல் நிலையங்களில் முறையான தீா்வு, மனுக்களின் மீதான நடவடிக்கைகளில் திருப்தி பெறாத புகாா்தாரா்களுக்கு மாவட்டக் காவல் கண்காணிப்பாளா் தலைமையில், ஒவ்வொரு வாரமும் புதன்கிழமைகளில் மக்கள் குறைதீா் கூட்டம் நடத்தப்பட்டு வருகிறது.

அதன்படி, மாவட்டக் காவல் கண்காணிப்பாளா் ந.மோகன்ராஜ் தலைமையில் புதன்கிழமை நடைபெற்ற முகாமில் காவல் நிலையங்களில் முறையான தீா்வு காணப்படாத 87 மனுக்களில் 70 மனுக்கள் மீது உரிய முறையில் விசாரணை நடத்தப்பட்டு, தீா்வு காணப்பட்டது. நிலுவையில் உள்ள 17 மனுதாரா்களின் குறைகளைக் கேட்டறிந்து, அதற்கான உரிய நடவடிக்கை எடுக்க அனுப்பி வைத்தனா். புதிதாக 20 புகாா் மனுக்களை பொதுமக்களிடம் மாவட்டக் காவல் கண்காணிப்பாளா் பெற்றுக்கொண்டாா்.

இந்தக் கூட்டத்தில் துணை காவல் கண்காணிப்பாளா்கள் லஷ்மண குமாா், குகன், மனோஜ்குமாா், மாவட்ட தனிப்பிரிவு காவல் ஆய்வாளா் சண்முகம் மற்றும் காவல் ஆய்வாளா்கள், உதவி ஆய்வாளா்கள், காவலா்கள், மனுதாரா்கள் உள்ளிட்டோா் பங்கேற்றனா்.