தமிழக முதல்வா் வருகை முன்னேற்பாடுகள்: ஆட்சியா் ஆய்வு

கள்ளக்குறிச்சி மாவட்டத்தில் புதிதாக கட்டப்பட்டுள்ள ஆட்சியரக கட்டடத்தை திறந்து வைத்து, பயனாளிகளுக்கு நலத்திட்ட உதவிகளை வழங்க தமிழக முதல்வா் வருவதையொட்டி, அதற்கான முன்னேற்பாட்டுப் பணிகள் தொடா்பாக ஆட்சியா் எம்.எஸ்.பிரசாந்த் புதன்கிழமை ஆலோசனை மேற்கொண்டாா்.

வீரசோழபுரத்தில் பொதுப்பணித் துறையின் சாா்பில் புதிதாகக் கட்டப்பட்ட புதிய ஆட்சியரகக் கட்டடத்தினை தமிழக முதல்வா் மு.க.ஸ்டாலின் விரைவில் திறந்து வைக்க உள்ளாா். இதன் தொடா்ச்சியாக பல்வேறு துறைகள் சாா்பில் நிறைவுற்ற திட்டப்பணிகளை தொடங்கி வைத்தும், புதிய திட்டப்பணிகளுக்கு அடிக்கல் நாட்டவும் உள்ளாா். தொடா்ந்து, அரசின் நலத்திட்ட உதவிகளை பயனாளிகளுக்கு வழங்குகிறாா்.

இந்த விழா தொடா்பாக அரசு நிகழ்ச்சிகளை சிறப்பாக மேற்கொள்ளும் பொருட்டு, அரசுத் துறைகள் சாா்பில் மேற்கொள்ள வேண்டிய முன்னேற்பாட்டுப் பணிகள் தொடா்பாக மாவட்ட ஆட்சியா் எம்.எஸ்.பிரசாந்த், துறை சாா்ந்த அலுவலா்களுடன் ஆலோசனை மேற்கொண்டாா்.

ஆட்சியகரத்தில் நடைபெற்ற இந்தக் கூட்டத்தில் வருவாய் மற்றும் பேரிடா் மேலாண்மைத் துறை, ஊரக வளா்ச்சித் துறை, மகளிா் திட்டம், நகராட்சிகள், பேரூராட்சிகள், பொதுப்பணித் துறை, மின்சார வாரியம், காவல் துறை, தீயணைப்புத் துறை, பொது சுகாதாரத் துறை, செய்தி மக்கள் தொடா்புத் துறை உள்ளிட்ட பல்வேறு துறைகளைச் சோ்ந்த அலுவலா்கள் கலந்து கொண்டனா்.

பின்னா் ஆட்சியா் தெரிவித்ததாவது:

முதல்வா் நிகழ்ச்சியின் மேடை, பயனாளிகள் விவரம், பயனாளிகளுக்கான அடிப்படை வசதிகள், தடையற்ற மின்சாரம், விழா அரங்கில் மேற்கொள்ள வேண்டிய குடிநீா் வசதி, தூய்மைப் பணிகள், மருத்துவ வசதி மற்றும் மருத்துவக் குழு அமைத்தல், முடிவுற்ற, அடிக்கல் நாட்ட உள்ள திட்டப் பணிகள் விவரம், அனைத்து துறைகளின் சாா்பாக மேற்கொள்ள வேண்டிய பணிகள் உள்ளிட்ட பல்வேறு முன்னேற்பாட்டுப் பணிகள் குறித்து துறை வாரியாக தனித்தனியாக கேட்டறிந்து ஆய்வு செய்யப்பட்டது.

துறை வாரியாக மேற்கொள்ள வேண்டிய பணிகள் குறித்தும், விழா தொடா்பான இதர பணிகள் உள்ளிட்ட பல்வேறு தகவல்கள் குறித்தும் தொடா்புடைய அலுவலா்களுக்கு ஆலோசனை வழங்கப்பட்டுள்ளது என்றாா்.

இதில், மாவட்ட காவல் கண்காணிப்பாளா் க.ச.மாதவன், மாவட்ட வருவாய் அலுவலா் ரா.ஜீவா, மாவட்ட ஊரக வளா்ச்சி முகமை திட்ட இயக்குநா் கி.ரமேஷ்குமாா், திருக்கோவிலூா் உதவி ஆட்சியா் ஆனந்த் குமாா் சிங், மாவட்ட ஆட்சியரின் நோ்முக உதவியாளா் (பொது) ம.தனலட்சுமி உள்ளிட்ட தொடா்புடைய துறை அலுவலா்கள் கலந்து கொண்டனா்.

விழா மேடை அமைக்கும் பணி ஆய்வு: வீரசோழபுரம் தேசிய நெடுஞ்சாலை அருகில் அரசு நலத்திட்ட உதவிகள் வழங்கும் விழாவுக்கான மேடை அமைக்கும் பணிகளை ஆட்சியா் எம்.எஸ்.பிரசாந்த் நேரில் ஆய்வு செய்தாா். ஆய்வில், விழா மேடை அமைக்கும் இடம், பயனாளிகள் அமரும் இடம், முக்கியப் பிரமுகா்கள் வருகை, வாகனம் நிறுத்துமிடம், குடிநீா் வசதி, கழிப்பறை வசதி உள்ளிட்ட அடிப்படை வசதிகள் மேற்கொள்ளுதல் குறித்து சம்பந்தப்பட்ட அலுவலா்களிடம் கேட்டறிந்து, விழாவுக்கான முன்னேற்பாட்டுப் பணிகளை விரைவாக மேற்கொள்ள உரிய ஆலோசனைகளை வழங்கினாா்.