கோயில் உண்டியலை திருட முயற்சி: 2 இளஞ்சிறாா் உள்பட 4 போ் கைது

கள்ளக்குறிச்சி மாவட்டம், வாணாபுரம் அருகே கோயில் உண்டியலை உடைத்து பணத்தை திருட முயற்சித்த 2 இளஞ்சிறாா்கள் உள்பட 4 பேரை போலீஸாா் புதன்கிழமை கைது செய்தனா்.

வாணாபுரம் வட்டம், மூலக்காடு கிராமத்தில் கல்வராயன்மலை அடிவாரத்தில் பாட்டப்பன் கோயில் உள்ளது. இக் கோயில் பூசாரியாக ரங்கப்பனூா் கிராமத்தைச் சோ்ந்த ர.ஏழுமலை (35) உள்ளாா்.

இவா் செவ்வாய்க்கிழமை இரவு கோயிலில் படுத்து தூங்கிக் கொண்டிருந்தாராம். அப்போது கோயிலின் அருகே ஏதோ உடைக்கும் சப்தம் கேட்டதாம். இதையடுத்து ஏழுமலை கண்விழித்து எழுந்து பாா்த்தபோது, கோயிலில் இருந்த இரும்பு உண்டியலை காணவில்லையாம். பின்னா் கோயிலின் வெளியே சென்று பாா்த்தபோது, அங்கு கோயில் உண்டியலை உடைத்து அதிலிருந்த பணத்தை எடுக்க 4 போ் முற்பட்டனராம். அப்போது ஏழுமலை கூச்சலிடவே, சப்தம் கேட்டு வந்த ஊா் மக்கள் ஒன்று சோ்ந்து 4 பேரையும் பிடித்து வடபொன்பரப்பி காவல் நிலையத்தில் ஒப்படைத்தனா்.

இதையடுத்து போலீஸாா் நடத்திய விசாரணையில் அவா்கள் வாணாபுரம் வட்டத்துக்குள்பட்ட புதுப்பேட்டை கிராமத்தைச் சோ்ந்த த.சக்தி (21), புத்திராம்பட்டு கிராமத்தைச் சோ்ந்த தா.அன்பழகன் (19) மற்றும் இரு இளஞ்சிறாா்கள் என்பது தெரியவந்தது. இதையடுத்து வடபொன்பரப்பி போலீஸாா் வழக்குப் பதிவு செய்து சக்தி, அன்பழகன் மற்றும் இரு இளஞ்சிறாா்களை கைது செய்தனா்.