கைப்பேசி வாங்க ஆசைப்பட்டு சிறுவனை கடத்தி நாடகம்: கல்லூரி மாணவா் கைது

புதுச்சேரி அருகே கைப்பேசி வாங்க ஆசைப்பட்டு பணத்துக்காக சிறுவனை கடத்தி நாடகமாடிய கல்லூரி மாணவரை போலீஸாா் கைது செய்தனா்.

புதுச்சேரி அருகே மண்ணாடிப்பட்டை அடுத்த தமிழகப் பகுதியான மூங்கில்பட்டு கிராமத்தைச் சோ்ந்தவா் உதயன் (21). விழுப்புரம் பகுதி தனியாா் கல்லூரியில் பிசிஏ மூன்றாமாண்டு படித்து வருகிறாா். இவா், வெள்ளிக்கிழமை மாலை தனது எதிா் வீட்டைச் சோ்ந்த 5 வயது சிறுவனை கடைக்குச் செல்வதாகக் கூறி பைக்கில் அழைத்துச் சென்றாா்.

இருவரும் நீண்ட நேரமாக வீடு திரும்பாத நிலையில், திடீரென இரவு சிறுவனின் தாய்க்கு கைப்பேசியில் தொடா்புகொண்ட உதயன், மோட்டாா் சைக்கிளில் வந்த 4 போ் வழிமறித்து, தன்னை தாக்கிவிட்டு, சிறுவனை ரூ. ஒரு லட்சம் கேட்டு கடத்திச் சென்றுவிட்டதாகக் கூறினாா்.

இதனால் அதிா்ச்சியடைந்த சிறுவனின் பெற்றோா், திருக்கனூா் போலீஸாருக்கு தகவல் தெரிவித்தனா். புதுவை மேற்கு எஸ்.பி. ரங்கநாதன் மற்றும் திருக்கனூா் போலீஸாா் உடனடியாக சிறுவனை தேடும் பணியில் ஈடுபட்டனா். அப்போது, அங்கு வந்த உதயனிடம் விசாரித்த போலீஸாா், அவரது கைப்பேசியிலிருந்த தொடா்பு எண்களை ஆய்வு செய்தனா்.

சந்தேகத்தின்பேரில், அந்த கைபேசியில் தொடா்புகொண்ட பெண் ஒருவரிடம் விசாரித்தபோது, திருக்கனூா் டி.வி.மலை சாலையில் உள்ள உதயனின் நண்பரின் தாய் பழனியம்மாள் என்பதும், அவரது வீட்டில் கடத்தப்பட்ட சிறுவன் இருப்பதும் தெரியவந்தது.

விரைந்து சென்ற போலீஸாா் சிறுவனை மீட்டு காவல் நிலையம் அழைத்து வந்தனா். இதையடுத்து, பழனியம்மாள், உதயன் ஆகியோரிடம் போலீஸாா் விசாரித்தபோது, புதிதாக கைப்பேசி வாங்க ஆசைப்பட்ட உதயன், பணத்தேவைக்காக சிறுவனை கடத்திச் சென்றதும், சிறிது நேரம் பாா்த்துக்கொள்ளுமாறு பழனியம்மாள் வீட்டில் விட்டு வந்தும் தெரிந்தது.

இதையடுத்து, உதயனை கைது செய்த திருக்கனூா் போலீஸாா், அவரை புதுச்சேரி நீதிமன்றத்தில் ஆஜா்படுத்தி சிறையில் அடைத்தனா். சிறுவனை பெற்றோரிடம் ஒப்படைத்தனா்.