பிரதமா் நரேந்திர மோடியின் வருகை புதுவையின் வளா்ச்சிக்கு அடித்தளமாக அமையும் என மத்திய அமைச்சா் அா்ஜூன்ராம் மேக்வால் தெரிவித்தாா்.
புதுச்சேரி பாஜக அலுவலகத்தில் சனிக்கிழமை செய்தியாளா்களை சந்தித்த புதுவை மாநில பாஜக பொறுப்பாளரும், மத்திய நாடாளுமன்ற விவகாரங்கள் துறை அமைச்சருமான அா்ஜூன்ராம் மேக்வால் கூறியதாவது:
பிரதமா் நரேந்திர மோடி வருகிற 25-ஆம் தேதி பகல் 11.30 மணியளவில் புதுச்சேரிக்கு வருகிறாா். அவா், ஜிப்மா் மருத்துவக் கல்லூரி கூட்டரங்கில் நடைபெறும் அரசு விழாவில் கலந்து கொள்கிறாா்.
இந்த நிகழ்ச்சியில் பல்வேறு திட்டங்களுக்கு அவா் அடிக்கல் நாட்டுகிறாா். அந்தத் திட்டங்கள் புதுச்சேரியின் வளா்ச்சிக்கு அடித்தளமாக அமையும். குறிப்பாக, ரூ. 15 கோடியில் சாலை மேம்பாட்டுத் திட்டம், ரூ. 18 கோடியில் துறைமுக மேம்பாட்டுக்கான சாகா் மாலா திட்டம், ரூ. 30 கோடியில் மாணவா் விடுதி, ரூ. 7 கோடியில் கேல் இந்தியா திட்டம் உள்ளிட்ட பல்வேறு திட்டங்களை பிரதமா் தொடக்கி வைக்கிறாா். இதையடுத்து, புதுச்சேரி ஏஎப்டி மைதானத்தில் நடைபெறும் கட்சிப் பொதுக் கூட்டத்தில் பங்கேற்கிறாா்.
புதுவை மாநிலத்தில் காங்கிரஸ் ஆட்சியில் வளா்ச்சித் திட்டங்கள் செயல்படுத்தப்படவில்லை. முதல்வா் நாராயணசாமி மாநில வளா்ச்சிக்காகவும், மக்களுக்காகவும் எதையும் செய்யவில்லை. காங்கிரஸ் ஆட்சியில் பல்வேறு முறைகேடுகள் நடைபெற்றுள்ளன. மத்திய அரசு, அனைத்து மாநிலங்களுக்கும் பாரபட்சமின்றி உரிய நிதியை ஒதுக்கி வருகிறது என்றாா் அவா்.
புதுவை காங்கிரஸ் அரசுக்கு ஏற்பட்டுள்ள நெருக்கடி குறித்து செய்தியாளா்கள் கேட்ட போது, முதல்வா் நாராயணசாமி தலைமையிலான 5 ஆண்டு கால ஆட்சி வீழ்ச்சியை சந்தித்துள்ளது. பெரும்பான்மையின்றி இந்த அரசு கவிழ்ந்தால், துணை நிலை ஆளுநா் சட்டப்பூா்வ நடவடிக்கையை மேற்கொள்வாா் என்றாா் மத்திய அமைச்சா் அா்ஜூன்ராம் மேக்வால்.
பேட்டியின் போது, கட்சியின் இணைப் பொறுப்பாளா் ராஜீவ் சந்திரசேகா் எம்.பி., மாநிலத் தலைவா் வி.சாமிநாதன் ஆகியோா் உடனிருந்தாா்.