புதுச்சேரியில் காங்கிரஸ் வேட்பாளா்கள் தோ்வுக் கூட்டத்தில் மோதல்
By DIN | Published On : 15th March 2021 08:07 AM | Last Updated : 15th March 2021 08:07 AM | அ+அ அ- |
புதுச்சேரி காங்கிரஸ் தலைமை அலுவலகத்தில் ஞாயிற்றுக்கிழமை நடைபெற்ற கட்சி நிா்வாகிகள் ஆலோசனைக் கூட்டத்தில் முன்னாள் முதல்வா் வே.நாராயணசாமியுடன் வாக்குவாதத்தில் ஈடுபட்ட காங்கிரஸாா்.
புதுச்சேரி காங்கிரஸ் தலைமை அலுவலகத்தில் ஞாயிற்றுக்கிழமை நடைபெற்ற வேட்பாளா்கள் தோ்வு ஆலோசனைக் கூட்டத்தில் கட்சியினரிடையே மோதல் ஏற்பட்டது.
புதுவையில் 15 தொகுதிகளில் போட்டியிடும் காங்கிரஸ் வேட்பாளா்களை இறுதி செய்வதற்கான ஆலோசனைக் கூட்டம், புதுச்சேரி காங்கிரஸ் தலைமை அலுவலகத்தில் கட்சியின் மேலிடப் பொறுப்பாளா்கள் முன்னிலையில் ஞாயிற்றுக்கிழமை நடைபெற்றது.
இதில், காங்கிரஸ் வேட்பாளா்கள் ஆய்வுக் குழுத் தலைவா் திக்விஜய் சிங், உறுப்பினா்கள் பிரான்சிஸ்கோ, முன்னாள் மத்திய அமைச்சா் பல்லம் ராஜு, மேலிடப் பொறுப்பாளா்கள் தினேஷ்குண்டு ராவ், சஞ்சய் தத், புதுவை முன்னாள் முதல்வா் வே.நாராயணசாமி, மாநில காங்கிரஸ் தலைவா் ஏ.வி.சுப்பிரமணியன் மற்றும் கட்சியின் முக்கிய நிா்வாகிகள், தொண்டா்கள் கலந்து கொண்டனா்.
கூட்டத்தில் ஏ.வி.சுப்பிரமணியன் பேசத் தொடங்கிய போது, குறுக்கிட்ட கட்சி நிா்வாகிகள், காங்கிரஸ் ஓரிடத்தில்கூட வெற்றி பெற முடியாது. திமுகவுக்கு தொகுதிகளையெல்லாம் தாரை வாா்த்துவிட்டீா்களே என எதிா்ப்புத் தெரிவித்தனா்.
மேலும், காங்கிரஸ் வெற்றி பெறக்கூடிய திருபுவனை, மங்கலம் உள்ளிட்ட பல தொகுதிகளை திமுகவுக்கு ஒதுக்கீடு செய்ததற்கு கடும் எதிா்ப்புத் தெரிவித்து, நிா்வாகிகள் ஆவேசத்துடன் முழக்கங்களை எழுப்பினா்.
கூட்டத்தில் கலந்து கொண்ட பெரும்பாலான நிா்வாகிகள் தோ்தலில் காங்கிரஸ் தனித்துப் போட்டியிட வேண்டும் என வலியுறுத்தினா்.
இதனால், காங்கிரஸ் அலுவலகத்தில் நிா்வாகிகளிடையே மோதல் ஏற்பட்டது. தொண்டா்கள் ஒருவருக்கொருவா் மோதலில் ஈடுபடும் சூழல் உருவானது.
இதையடுத்து, முன்னாள் முதல்வா் வே.நாராயணசாமி நிா்வாகிகளையும், தொண்டா்களையும் சமாதானப்படுத்த முயற்சித்தாா். ஆனாலும், கூட்டத்தில் பெரும் கூச்சல்-குழப்பம் ஏற்பட்டது. இதனால், மேலிடப் பொறுப்பாளா்கள் ஆலோசனைக் கூட்டத்தை நடத்தாமல் வெளியேறி, அலுவலகத்தின் முதல் மாடிக்குச் சென்றனா்.
தகவலறிந்த போலீஸாா், துணை ராணுவப் படையினருடன் வந்து பாதுகாப்பு பணியை மேற்கொண்டனா். இதனால், காங்கிரஸ் வேட்பாளா்கள் தோ்வு ஆலோசனைக் கூட்டம் நடைபெறாமல் தொடக்கத்திலேயே முடிக்கப்பட்டது.
இதையடுத்து, அடுத்தக் கட்ட நடவடிக்கைகள் குறித்து மாநிலத் தலைவா் ஏ.வி.சுப்பிரமணியன், முன்னாள் முதல்வா் வே.நாராயணசாமி, வெ.வைத்திலிங்கம் எம்.பி., முன்னாள் அமைச்சா் ஷாஜகான் உள்ளிட்டடோா் மேலிடப் பொறுப்பாளா்களுடன் ஆலோசனையில் ஈடுபட்டனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
