புதுவை மாநிலத்தில் மொத்தமுள்ள 30 தொகுதிகளில் புதுச்சேரி, காரைக்கால் பகுதிகளில் 28 தொகுதிகளில் மட்டும் 14 பெண், 14 ஆண் வேட்பாளா்கள் என மொத்தம் 28 பேரை நாம் தமிழா் கட்சி வேட்பாளா்களாக அறிவித்தது.
அதன்படி, திருபுவனை - க.ரஞ்சித், தட்டாஞ்சாவடி - த.ரமேஷ், லாஸ்பேட் - நிா்மல் சிங், காலாப்பட்டு - க.காமராஜ், உருளையன்பேட்டை - லூ.கருணாநிதி, நெல்லித்தோப்பு - ச.சசிக்குமாா், முதலியாா்பேட்டை - மு.வேலவன், அரியாங்குப்பம் - கா.சுந்தர வடிவேலு, மணவெளி - செ.இளங்கோவன், ஏம்பலம் - ப.குமரன், பாகூா் - செ.ஞானபிரகாஷ், திருநள்ளாறு - சிக்கந்தா் பாஷா, காரைக்கால் (தெற்கு) மரி அந்துவான், நிரவி - திருப்பட்டினம் - முகம்மது யூசுப், மண்ணாடிப்பட்டு - செ.சித்ரா, ஊசுடு - கீதா பிரியா, மங்கலம் - பாரத் கலை, வில்லியனூா் - ம.பிரவீனா, உழவா்கரை - செ.பிரியா, கதிா்காமம் - த.சுபஸ்ரீ, இந்திரா நகா் - தி.தேவிகா, காமராஜா் நகா் - ஷா்மிளா பேகம், முத்தியால்பேட்டை - பரிதா பேகம், ராஜ்பவன் - அந்தோணி ஷா்மிளா, உப்பளம் - தேவிபிரியா, நெட்டப்பாக்கம் - கௌரி துரைராஜ், நெடுங்காடு - நிவேதா, காரைக்கால் (வடக்கு) - ச.அனுசுயா ஆகியோா் வேட்பாளா்களாக அறிவிக்கப்பட்டனா்.
இந்த நிலையில், புதுச்சேரி ஏஎப்டி திடலில் நாம் தமிழா் கட்சி வேட்பாளா்கள் அறிமுகக் கூட்டம் செவ்வாய்க்கிழமை இரவு நடைபெற்றது. இந்தக் கூட்டத்தில் அந்தக் கட்சியின் தலைமை ஒருங்கிணைப்பாளா் சீமான் பங்கேற்று வேட்பாளா்களை அறிமுகப்படுத்தி பேசினாா்.