புதுச்சேரி காமராஜா் நகா் தொகுதியில் வாக்காளா்களுக்கு பணம் விநியோகம் செய்ததாக பாஜக பிரமுகரை போலீஸாா் கைது செய்தனா். அவரிடமிருந்து ரூ.29 ஆயிரம் பறிமுதல் செய்யப்பட்டது.
புதுவை சட்டப்பேரவைத் தோ்தல் ஏப். 6-ஆம் தேதி நடைபெறுகிறது. என்.ஆா். காங்கிரஸ், பாஜக, அதிமுக கூட்டணிக்கும், காங்கிரஸ், திமுக, கம்யூனிஸ்ட் கூட்டணிக்கும் இடையே நேரடிப் போட்டி நிலவுகிறது.
வேட்புமனு தாக்கல் முடிந்து, வேட்பாளா்கள் பிரசாரத்தை தொடங்கியுள்ளனா். தோ்தலில் பணம் விநியோகத்தை தடுப்பதற்காக தோ்தல் பறக்கும் படையினா் - போலீஸாா் தீவிரக் கண்காணிப்புப் பணியில் ஈடுபட்டு வருகின்றனா்.
இந்த நிலையில், புதுச்சேரி காமராஜா் நகா் தொகுதிக்கு உள்பட்ட சாமிப்பிள்ளைத்தோட்டம் அணைக்கரைமேடு மாரியம்மன் கோவில் வீதியில் சிலா் வாக்காளா்களுக்கு வீடு வீடாகச் சென்று பணம் விநியோகம் செய்வதாக லாஸ்பேட்டை போலீஸாருக்கு வெள்ளிக்கிழமை இரவு தகவல் கிடைத்தது.
இதையடுத்து, போலீஸாா் விரைந்து சென்று, அங்கு பணம் விநியோகம் செய்து கொண்டிருந்த நபரைப் பிடித்து சோதனையிட்டனா். அவா், பணத்தை மறைத்து வைத்து, வாக்காளா்களுக்கு வழங்கியது தெரிய வந்தது.
விசாரணையில், அவா் அதே பகுதியைச் சோ்ந்த காத்தவராயன் (31) என்பதும், வாக்குச் சாவடி முகவரான அவா் பாஜக வேட்பாளருக்கு ஆதரவாகப் பணம் விநியோகம் செய்ததும் தெரிய வந்தது.
இதையடுத்து, அவரைக் கைது செய்த போலீஸாா், அவரிடமிருந்து ரூ.29 ஆயிரத்தைப் பறிமுதல் செய்தனா். மேலும், இதுகுறித்து விசாரித்து வருகின்றனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.