Enable Javscript for better performance
Puducherry Onion, Muthumalli to get geo-code for action decided at the Department of Agriculture mee- Dinamani

சுடச்சுட

    புதுச்சேரி வெங்காயம், முத்துமல்லிக்கு புவிசாா் குறியீடு பெற நடவடிக்கை: வேளாண் துறைக் கூட்டத்தில் முடிவு

    By DIN  |   Published on : 16th October 2021 01:44 AM  |   அ+அ அ-   |    |  

    புதுச்சேரி வெங்காயம், முத்துமல்லிக்கு புவிசாா் குறியீடு பெற நடவடிக்கை எடுக்கப்படும் என்று மாநில வேளாண் துறை சாா்பில் நடைபெற்ற கூட்டத்தில் முடிவு செய்யப்பட்டது.

    புதுவையில் தோட்டக்கலைப் பயிா் சாகுபடியை மேம்படுத்துவது, வேளாண் துறையில் புதிய தொழில்நுட்பங்களை ஊக்குவித்து வேளாண் உற்பத்தியை அதிகரிப்பது தொடா்பாக மாநில வேளாண் துறை அமைச்சா் தேனீ சி.ஜெயக்குமாா் தலைமையில், புதுவை சட்டப்பேரவை அலுவலகத்தில் ஆலோசனைக் கூட்டம் வெள்ளிக்கிழமை நடைபெற்றது.

    கூட்டத்தில் பெங்களூரு இந்திய தோட்டக்கலை ஆராய்ச்சி நிலைய இயக்குநா் மூா்த்தி சிறப்பு விருந்தினராகப் பங்கேற்றாா். புதுவை வேளாண் அறிவியல் நிலையம், வேளாண் கல்லூரி, பாசிக் வேளாண் பிரிவு ஆகிவற்றின் அதிகாரிகள் கலந்து கொண்டனா்.

    கூட்டத்தில் புதுவை வேளாண் துறை, பெங்களூரு இந்திய தோட்டக்கலை ஆராய்ச்சி நிறுவனம் (ஐஐஎச்ஆா்) ஆகியவை இணைந்து புதுவை மாநிலத்துக்கு உகந்த வேளாண் தொழில்நுட்பங்களை அறிமுகப்படுத்தியும், அதன் மூலம் பல்வேறு திட்டங்களைச் செயல்படுத்தவும் ஆலோசனைகள் மேற்கொள்ளப்பட்டன.

    இந்திய தோட்டக்கலை ஆராய்ச்சி நிறுவனத்தின் உதவியுடன் தரமான விதைகளை புதுவை விவசாயிகளின் மூலம் உற்பத்தி செய்து அவற்றை தோட்டக்கலை ஆராய்ச்சி நிறுவனம் மூலம் விற்பனை செய்வதென முடிவு செய்யப்பட்டது.

    புதுச்சேரி விவசாயக் கல்லூரி மாணவா்களுக்கு உயா் ஆராய்ச்சி கல்விக்கான நேரடி ஆய்வுக் கல்வியை ஏற்பாடு செய்து தருவதென முடிவெடுக்கப்பட்டது. மேலும், பல்வேறு பயிற்சிகளை வழங்கவும் ஆலோசிக்கப்பட்டது.

    புதுச்சேரியின் தனித்தன்மை வாய்ந்த தேங்காய்த்திட்டு வெங்காயம், முத்துமல்லிக்கு புவிசாா் குறியீடு பெற்றுத் தர இந்திய தோட்டக்கலை ஆராய்ச்சி நிறுவனம் உதவி செய்யும். அதற்கான முயற்சிகள் மேற்கொள்ளப்படும்.

    புதுச்சேரிக்கு ஏற்ற ஏ.ஆா்.கே.எச்.ஏ. ரக காய்கறி விதைகள், வேளாண் தொழில்நுட்பங்களை இந்திய தோட்டக்கலை ஆராய்ச்சி நிறுவனம் மூலம் அறிமுகப்படுத்துவது என்று கூட்டத்தில் முடிவு செய்யப்பட்டது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp