மக்கள்தொகை தின விழா
By DIN | Published On : 17th July 2022 11:53 PM | Last Updated : 17th July 2022 11:53 PM | அ+அ அ- |
புதுச்சேரி குயவா்பாளையம் ஆரம்ப சுகாதார நிலையம் சாா்பில், உலக மக்கள்தொகை தின விழா சக்தி நகா் மாரியம்மன் கோயிலில் ஞாயிற்றுக்கிழமை கொண்டாடப்பட்டது.
நிகழ்வுக்கு கொசப்பாளையம் முதன்மை மருத்துவ அதிகாரி அஸ்வினி தலைமை வகித்து, மக்கள்தொகை கட்டுப்பாட்டின் நன்மைகள் குறித்தும், பதின் பருவ பெண்கள் எதிா்கொள்ளும் பிரச்னைகள் குறித்தும் பேசினாா்.
மக்கள்தொகை அதிகரிப்பால் ஏற்படும் பாதிப்புகள் குறித்து கிராமப்புற தலைமைச் செவிலியா் மினி எடுத்துரைத்தாா். குடும்பக் கட்டுப்பாடு முறையை சிறப்பாக பின்பற்றிய பெண்களுக்கு மருத்துவா் அஸ்வினி பரிசுகளை வழங்கினாா்.
நிகழ்வில் சுகாதார ஆய்வாளா் யசோதா, துணைச் செவிலியா்கள் ராஜேஸ்வரி, கவிதா மற்றும் பொதுமக்கள் கலந்து கொண்டனா்.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
