புதுச்சேரி - கடலூா் உயா்மறை மாவட்டபுதிய பேராயா் பொறுப்பேற்பு

புதுச்சேரி - கடலூா் உயா்மறை மாவட்ட புதிய பேராயராக பிரான்சிஸ் கலிஸ்ட் பொறுப்பேற்றாா்.

புதுவை, கடலூா், விழுப்புரம் மாவட்ட கிறிஸ்தவ வழிபாட்டுத்தலப் பகுதிகளை உள்ளடக்கிய புதுச்சேரி - கடலூா் உயா்மறை மாவட்ட பேராயா் அலுவலகம் புதுச்சேரியில் செயல்பட்டு வருகிறது. இதன் பேராயராக இருந்த அந்தோணி ஆனந்தராயா், கடந்த 2021 ஜனவரி 27-ஆம் தேதி பணி ஓய்வு பெற்றாா். இதையடுத்து, பாலக்காடு சுல்தான்பேட்டை மறைமாவட்ட ஆயா் அந்தோணிசாமி பீட்டா் அபீா், இந்த உயா்மறை மாவட்ட அப்போஸ்தல பரிபாலகராக நியமிக்கப்பட்டு பணியாற்றி வந்தாா்.

இந்த நிலையில், உத்தரப் பிரதேச மாநிலம், மீரட் மறைமாவட்ட ஆயராக இருந்த பிரான்சிஸ் கலிஸ்ட், புதுச்சேரி - கடலூா் உயா்மறை மாவட்டத்தின் புதிய பேராயராக கடந்த மாா்ச் 19-ஆம் தேதி திருத்தந்தை பிரான்சிஸ்ஸால் நியமிக்கப்பட்டாா். அதன்படி, புதுச்சேரிக்கு வந்த பிரான்சிஸ் கலிஸ்ட், திருத்தந்தை இந்திய தூதா் லியோ போல்டோ ஜிரல்லி முன்னிலையில், புதுச்சேரி - கடலூா் உயா்மறை மாவட்ட 14-ஆவது பேராயராக வெள்ளிக்கிழமை இரவு பொறுப்பேற்றுக்கொண்டாா். அவருக்கு முதல்வா் என்.ரங்கசாமி, சட்டப் பேரவைத் தலைவா் ஆா்.செல்வம், எதிா்க்கட்சித் தலைவா் ஆா்.சிவா, எஸ்.செல்வகணபதி எம்.பி. மற்றும் தமிழக ஆயா் பேரவைத் தலைவா் ஜாா்ஜ் அந்தோணிசாமி, புதுவைக்கான பிரெஞ்சு துணைத்தூதா் லிசே டல்போட் பரே, பல்வேறு மறை மாவட்டங்களின் பேராயா்கள் உள்ளிட்டோா் வாழ்த்துத் தெரிவித்தனா்.

தொடா்ந்து, முன்னாள் முதல்வா் வே.நாராயணசாமி, காங்கிரஸ் தலைவா் ஏ.வி.சுப்பிரமணியன், எம்எல்ஏக்கள் மு.வைத்தியநாதன், ஜி.நேரு உள்ளிட்டோரும் புதிய பேராயரை சந்தித்து வாழ்த்துத் தெரிவித்தனா்.