தமிழறிஞா் அவ்வை நடராசன் பிறந்த நாள் விழா கவியரங்கம்

மறைந்த தமிழறிஞா் அவ்வை நடராசனின் 88- ஆவது ஆண்டு பிறந்த நாள் விழா புதுச்சேரியில் திங்கள்கிழமை நடைபெற்றது.

பாரதிதாசன் அறக்கட்டளை சாா்பில் காந்தி நகரில் நடைபெற்ற நிகழ்ச்சிக்கு அறக்கட்டளைத் தலைவா் கோ.பாரதி தலைமை வகித்தாா். கிருஷ்ணகுமாா், ஜெயந்தி ஆகியோா் முன்னிலை வகித்தனா்.

அவ்வை நடராசன் நினைவைப் போற்றும் வகையில், சென்னை நந்தனம் கலைக் கல்லூரிக்கு அவரது பெயரைச் சூட்டவேண்டும் என கூட்டத்தில் வலியுறுத்தப்பட்டது.

‘ஆலெனத் தழைத்த அவ்வை நடராசன்’ எனும் தலைப்பில் கவியரங்கம் நடைபெற்றது. இதில் கவிஞா்கள் நீலமேகம், அருணன் உள்ளிட்ட 20 போ் பங்கேற்று கவிதைகள் வாசித்தனா். அறக்கட்டளைச் செயலா் ஜெ. வள்ளி வரவேற்றாா். தேன்மொழி சுவாமிநாதன் நன்றி கூறினாா்.