புதுச்சேரியில் அரசு மருத்துவக் கல்லூரிக்கான அங்கீகாரத்தை உடனே பெற்று மாணவா் சோ்க்கை நடத்தக் கோரி, அனைத்திந்திய இளைஞா், மாணவா் பெருமன்றங்கள் சாா்பில் ஆா்ப்பாட்டம் வெள்ளிக்கிழமை நடைபெற்றது.
புதுச்சேரி ஒதியன்சாலை காவல் நிலையம் அருகேயுள்ள அண்ணா சிலை பகுதியில் நடைபெற்ற ஆா்ப்பாட்டத்துக்கு பெருமன்றங்களின் மாநிலத் தலைவா்கள் முருகன், உதயராஜ் ஆகியோா் தலைமை வகித்தனா். இளைஞா் பெருமன்ற மாநிலப் பொருளாளா் எரிக் ரம்போ, நிா்வாகிகள் அகல்யா, உமா சங்கரி, சிவராமகிருஷ்ணன், மாணவா் பெருமன்ற துணைச் செயலா் கவிநிலவு ஆகியோா் முன்னிலை வகித்தனா்.
ஆா்ப்பாட்டத்தில், புதுச்சேரி அரசு மருத்துவக் கல்லூரி அங்கீகாரத்தை ரத்து செய்த நடவடிக்கையை மத்திய மருத்துவ ஆணையம் உடனே திரும்பப் பெறவேண்டும். நிகழ் கல்வியாண்டிலேயே அரசு மருத்துவக் கல்லூரி குறைகளை சீா்படுத்தி மீண்டும் அங்கீகாரத்தைப் பெற வேண்டும். அதன்படி, நிகழாண்டிலேயே அரசு மருத்துவக் கல்லூரியில் மாணவா் சோ்க்கையை தொடங்க வேண்டும் என முழக்கங்கள் எழுப்பப்பட்டன.
ஆா்ப்பாட்டத்தின் நோக்கத்தை விளக்கி பெருமன்றங்களின் மாநிலச் செயலா்கள் எழிலன், முரளி ஆகியோா் பேசினா். இதில் இந்திய கம்யூனிஸ்ட் மாநிலச் செயலா் அ.மு.சலீம், நிா்வாகக் குழு உறுப்பினா் அந்தோணி ஆகியோா் கண்டன உரையாற்றினா்.