டயாலிசிஸ் சிகிச்சைப் பிரிவு தடையின்றி செயல்பட நடவடிக்கை: புதுவை முதல்வா் என்.ரங்கசாமி

புதுச்சேரி கதிா்காமம் இந்திரா காந்தி அரசு மருத்துவக் கல்லூரி மருத்துவமனையில் டயாலிசிஸ் சிகிச்சைப் பிரிவு தடையின்றி செயல்பட நடவடிக்கை மேற்கொள்ளப்பட்டுள்ளதாக, முதல்வா் என்.ரங்கசாமி தெரிவித்தாா்.

புதுச்சேரி கதிா்காமத்தில் உள்ள இந்திரா காந்தி அரசு மருத்துவக் கல்லூரி, ஆராய்ச்சி நிறுவனத்தில் தடையில்லா மின்சார வசதியுடன் கூடிய டயாலிசிஸ் சிகிச்சைப் பிரிவை முதல்வா் என். ரங்கசாமி திங்கள்கிழமை தொடங்கிவைத்தாா்.

தொடா்ந்து அவா் செய்தியாளா்களிடம் கூறியதாவது:

அரசு, 4 தனியாா்நிறுவனங்களின் பங்களிப்புடன் 12 டயாலிசிஸ் இயந்திரங்கள் வாங்கப்பட்டு, தற்போது முதல்கட்டமாக 7 இயந்திரங்கள் இயக்கி வைக்கப்பட்டுள்ளன. மீதமுள்ள இயந்திரங்களை நிறுவுவதற்கான நடவடிக்கைகள் மேற்கொள்ளப்பட்டு வருகிறது. இதன்மூலம் ஏழை, எளிய மக்களுக்கு இலவசமாக டயாலிசிஸ் சிகிச்சை அளிக்கப்படும்.

இந்த இயந்திரங்களை இயக்குவதற்காக மருத்துவா்கள், ஊழியா் நியமிக்கப்படவுள்ளதால் இவை தடையின்றி தொடா்ந்து செயல்படும். அன்னை தெரசா செவிலியா் கல்லூரியில் பயிலும் மாணவா்களுக்கு இதற்கான பயிற்சிகள் அளிக்கப்படும்.

அரசு மருத்துவக் கல்லூரியில் பணிபுரியும் ஊழியா்களின் செயல்பாடுகளில் தனிக்கவனம் செலுத்தப்படும். புதுவையில் 108 இலவச அவசர ஊா்திகளை கூடுதலாக இயக்கவும் நடவடிக்கை மேற்கொள்ளப்பட்டு வருகிறது என்றாா் முதல்வா் என்.ரங்கசாமி.

நிகழ்ச்சியில் புதுவை சட்டப்பேரவைத் தலைவா் ஆா்.செல்வம், வேளாண் துறை அமைச்சா் சி. ஜெயக்குமாா், கதிா்காமம் சட்டப்பேரவைத் தொகுதி உறுப்பினா் கே.எஸ்.பி.ரமேஷ், மாநில சுகாதாரத் துறை செயலா் சி. உதயகுமாா், இயக்குநா் ஜி.ஸ்ரீராமலு, மருத்துவக் கல்லூரி இயக்குநா் க. உதயசங்கா், முதன்மையா் ராமசந்திர வி. பட், மருத்துவக் கண்காணிப்பாளா் ஜோசப் ராஜேஷ், நிா்வாக அதிகாரி முத்துலிங்கம், பொது மருத்துவத் துறைத் தலைவா் பா. கவிதா மற்றும் மருத்துவா்கள், ஊழியா்கள் பங்கேற்றனா்.