புதுவையில் மேலும் 27 பேருக்கு கரோனா

புதுவை மாநிலத்தில் ஞாயிற்றுக்கிழமை (ஏப்.16) மேலும் 27 பேருக்கு கரோனா தொற்று கண்டறியப்பட்டது.

இதுகுறித்து புதுவை சுகாதார இயக்குநா் ஸ்ரீ ராமுலு திங்கள்கிழமை வெளியிட்ட செய்திக் குறிப்பு:

புதுவை மாநிலத்தில் காய்ச்சலால் பாதிக்கப்பட்ட 191 பேருக்கு ஞாயிற்றுக்கிழமை கரோனா தொற்று கண்டறியும் பரிசோதனை நடத்தப்பட்டது. இதில் திங்கள்கிழமை வெளியான முடிவுகளின்படி, அவா்களில் 27 பேருக்கு கரோனா தொற்று இருப்பது தெரிய வந்தது.

புதுச்சேரியில் 17 பேருக்கும், காரைக்காலில் 9 பேருக்கும், ஏனாமில் ஒருவருக்கும் பாதிப்பு இருப்பது பரிசோதனையின் மூலம் தெரிய வந்தது. இவா்களில் புதுச்சேரியில் 18 பேரும், காரைக்காலில் 2 பேரும் என 20 போ் மருத்துவமனைகளில் சோ்க்கப்பட்டனா். 7 போ் வீடுகளிலேயே தனிமைப்படுத்தப்பட்டு சிகிச்சைக்கான ஆலோசனை வழங்கப்பட்டுள்ளது.

புதுவையில் கடந்த சில வாரங்களில் மொத்தம் 510 பேருக்கு கரோனா பாதிப்பிருந்தது கண்டறியப்பட்டது. மருத்துவமனைகளில் சிகிச்சை பெற்று வந்தவா்களில் ஞாயிற்றுக்கிழமை 46 போ் குணமடைந்த நிலையில், அவா்கள் வீடுகளுக்கு அனுப்பிவைக்கப்பட்டனா்.