புதுச்சேரியில் நடமாடும் இலவச மருத்துவக் குழு:துணைநிலை ஆளுநா் தொடங்கி வைத்தாா்

புதுச்சேரி: புதுச்சேரியில் நடமாடும் இலவச மருத்துவக் குழு மற்றும் அவசர ஊா்தியை துணைநிலை ஆளுநா் கே. கைலாஷ்நாதன் திங்கள்கிழமை தொடங்கி வைத்தாா்.

விநாயகா மிஷன்- ஆறுபடை வீடு மருத்துவக் கல்லூரி மற்றும் சேவா பாரதி தமிழ்நாடு சாா்பில் இலவச நடமாடும் மருத்துவக் குழு தொடக்க விழா ஆறுபடை வீடு மருத்துவக் கல்லூரியில் திங்கள்கிழமை நடைபெற்றது. இதில் துணைநிலை ஆளுநா் கே. கைலாஷ்நாதன் பங்கேற்று, நடமாடும் மருத்துவக் குழுவைத் தொடங்கி வைத்து உரையாற்றினாா்.

ராஷ்ட்ரிய சேவா பாரதியின் ஒருங்கிணைப்புச் செயலா் சுதிா் குமாா், இன்ஃபினிட்டி சேவா அமைப்பின் தலைவா் மற்றும் கனரா வங்கியின் இயக்குநா் நளினி பத்மநாபன், விநாயகா மிஷன் ஆராய்ச்சி நிறுவனத்தின் வேந்தா் டாக்டா் கணேசன், கடலூா் மற்றும் புதுச்சேரி மாவட்ட சேவா பாரதி தலைவா்கள் மற்றும் மருத்துவா்கள் கலந்து கொண்டனா்.