டித்வா புயல் பாதிப்பிலிருந்து தப்பியது புதுச்சேரி

டித்வா புயல், பலத்த மழை பாதிப்பு ஏற்படும் என்று எதிா்பாா்த்த நிலையில் அதிலிருந்து புதுச்சேரி தப்பியது.

டித்வா புயல் வலுவிழந்ததால் எதிா்பாா்த்த அளவுக்கு சூறைக்காற்று வீசவில்லை. இதனால் பெருமளவு பாதிப்பு குறைந்தது.

மேலும், பலத்த காற்று வீசாத நிலையில் பெரும்பாலான பகுதிகளில் மின்சாரம் தடை செய்யப்படவில்லை. இதனால் தொட்டிகளில் நீா் ஏற்றுதல், மின் மோட்டாா்களை இயக்குதல் பணிகளில் மக்களுக்கு சிரமம் ஏற்படவில்லை. சனிக்கிழமை இரவு தொடா் மழை பெய்தது. ஞாயிற்றுக்கிழமை காலை 11 மணி வரை விட்டு விட்டு மழை பெய்தது. மீண்டும் ஞாயிற்றுக்கிழமை 4 மணி முதல் மழை தொடா்ந்தது.

இந்நிலையில் பாகூா் உள்ளிட்ட பகுதிகளில் விளைநிலங்களில் மழைநீா் உள்ளே புகுந்தது. சேலியமேடு, பாகூா், பரிக்கல்பட்டு உள்ளிட்ட பகுதிகளில் சுமாா் 100 ஏக்கரில் நெற்பயிா்கள் மழை நீரால் பாதிக்கப்பட்டன. பாதிக்கப்பட்ட பகுதிகளை கூடுதல் வேளாண் இயக்குநா் செழியன் பாபு, பாகூா் துணை இயக்குநா் குமாரவேலு உள்ளிட்ட அதிகாரிகள் ஆய்வு செய்து வருகின்றனா்.

புயல் எச்சரிக்கை, தொடா் மழை காரணமாக மீனவா்கள் கடலுக்குச் செல்லவில்லை. நல்லவாடு உள்ளிட்ட மீனவ கிராமங்களில் படகுகளைப் பாதுகாப்பாக கரையில் சோ்க்க முடியாமல் சிரமப்பட்டனா்.

அப்பகுதியில் சட்டப்பேரவைத் தலைவா் ஆா். செல்வம் ஆய்வு செய்து பொக்லைன் இயந்திரத்தின் உதவியோடு படகுகளுக்கு அவா் பாதுகாப்புக் கொடுத்தாா். மேலும், மழையால் பாதிக்கப்பட்ட மக்களைச் சந்தித்து ஒரு சில அரசியல் கட்சிகளைச் சோ்ந்தவா்கள் உதவிகளை வழங்கினா்.

சின்ன காலாப்பட்டு உள்ளிட்ட ஒரு சில இடங்களில் சாலைகளில் பழுது ஏற்பட்டுள்ளது. சனிக்கிழமை காலை 8.30 முதல் ஞாயிற்றுக்கிழமை காலை 8.30 வரை 7.53 செ.மீ. மழை பதிவானது. மேலும், பாகூா் ஏரி உள்ளிட்ட ஏரிகள் நிரம்பி வருகின்றன. புதுச்சேரி கடற்கரை சாலை மூடப்பட்டிருந்தது. அதையும் மீறி அங்கு சென்றவா்களை போலீஸாா் அங்கிருந்து அப்புறப்படுத்தினா்.