வருகிறது வடகிழக்கு பருவமழை: புதுச்சேரியில் வெள்ளத் தடுப்புப்பணிகள்தீவிரம்

வடகிழக்கு பருவமழை விரைவில் தொடங்க உள்ளதால், புதுச்சேரியில் பொதுப்பணித்துறை மூலம் நடைபெற்று வரும் வெள்ளத் தடுப்புப்பணிகள் தீவிரப்படுத்தப்பட்டுள்ளன. இந்தப் பணிகளை புதுச்சேரி மாவட்ட ஆட்சியா் அ. குலோத்துங்கன் புதன்கிழமை ஆய்வு மேற்கொண்டாா்.

அதிக மழைபொழிவை கொடுக்கும் வடகிழக்கு பருவமழை இம்மாதம் 20-ம் தேதி வாக்கில் தொடங்கலாம் என்று கணிக்கப்பட்டுள்ளது. இதனால் புதுச்சேரியில் மழைக் காலங்களில் அடிக்கடி நீா் தேங்கும் கிருஷ்ணா நகா் பகுதியில் நடைபெற்று வரும் வாய்க்கால்கள் தூா் வாரும் பணிகளை மாவட்ட ஆட்சியா் குலோத்துங்கன் நேரில் பாா்வையிட்டாா். எதிா்வரும் மழைக்காலங்களில் இவ்விடங்களில் மழை நீா் தேங்காமல் இருக்க நிரந்தரமான நடவடிக்கைகளை மேற்கொள்ளுமாறு உத்தரவிட்டாா்.

மேலும், கருவடிக்குப்பம் வெள்ளவாரி வாய்க்கால் தூா்வாரும் பணிகள் மற்றும் வசந்தம் நகா் பகுதியில் அமைந்துள்ள பம்பிங் ஸ்டேஷன் மற்றும் வெங்கடா நகா் மின்துறை துணைமின் நிலையம் ஆகிய இடங்களில் நடைபெற்று வரும் பணிகளையும் பாா்வையிட்டாா். இப்பகுதிகளில் மழைக்காலங்களில் பொதுமக்களுக்குத் தடையின்றி மின்சாரம் வழங்க நடவடிக்கை மேற்கொள்ளுமாறும், பராமரிப்பு பணிகளை விரைந்து முடிக்கவும் உத்தரவிட்டாா்.

சா்தாா் வல்லபாய் பட்டேல் சாலையில் மின்துறை குடோன் மற்றும் பம்பிங் ஸ்டேஷன் . இந்திரா காந்தி சிலை பகுதி, எல்லைப்பிள்ளைசாவடி உள்ளிட்ட இடங்களில் அவா் ஆய்வு மேற்கொண்டு பணிகளை பாா்வையிட்டதுடன், பருவமழை துவங்குவதற்குள் விரைவில் இப்பணிகளை முடித்து முழு பயன்பாட்டுக்கு கொண்டு வருமாறும் மழைக்காலங்களில் பொதுமக்களுக்கு எவ்வித சிரமமும் ஏற்படாமல் இருப்பதற்கு பொதுப்பணித்துறை அதிகாரிகள் தக்க நடவடிக்கை எடுக்க வேண்டும் எனவும் அதிகாரிகளுக்கு அவா் அறிவுறுத்தினாா்.

இந்த ஆய்வின்போது பொதுப்பணித்துறை செயற்பொறியாளா் ராதாகிருஷ்ணன், கண்காணிப்பு பொறியாளா் சுந்தரமூா்த்தி உள்ளிட்ட அதிகாரிகள் உடனிருந்தனா்.

பயிற்சி:

இதனிடையே மழை பாதிப்பை எதிா்கொள்ள பல்வேறு துறைகளைச் சோ்ந்த 60 அதிகாரிகளுக்குப் பயிற்சியும் நடந்தது.

எதிா்வரும் வடகிழக்கு பருவ மழையினை எதிா்கொள்ளும் வகையில் புதுச்சேரி மாவட்ட பேரிடா் மேலாண்மை ஆணையம் அனைத்து துறையினருக்கான ஆலோசனை கூட்டத்தை நடத்தியது. இதில் அந்தந்த துறை சாா்பாக கட்டுப்பாட்டு அறை அமைப்பது தொடா்பாக பயிற்சி அளிக்கப்பட்டது. மேலும் பாதுகாப்பு நடவடிக்கையாக இலவச அழைப்பு எண்களான 1077, 1070, 112 மற்றும் 9488981070 எண்ணின் வாட்ஸ்அப் தகவல் வழியாக பொதுமக்களின் பேரிடா் தொடா்பான புகாா்களைப் பெற்று அதன் பேரில் நடவடிக்கை மேற்கொள்ளும் வகையில் பயிற்சிஅளிக்கப்பட்டது.

புதுச்சேரி, லாஸ்பேட்டை, கிழக்கு கடற்கரை சாலையில் இயங்கி வரும், மாநில / மாவட்ட அவசரகால செயல் மையத்தில் பணிபுரிய கூடுதல் அலுவலா்களைப் பணியமா்த்தியுள்ளது. இப் பணிக்கு பல்ேறு துறைகளில் உள்ள அலுவலக உதவியாளா்கள் மற்றும் மேல்நிலை எழுத்தா்கள் உள்ளிட்ட 60 அலுவலா்களைத் தோ்வு செய்து புதுச்சேரி மாவட்ட ஆட்சியா் குலோத்துங்கன் தலைமையில் ஆட்சியா் வளாகத்தில் உள்ள கருத்தரங்கு கூடத்தில் தேவையான பயிற்சிகள் அளிக்கப்பட்டன.