கால்நடைத்துறை அதிகாரிகளுக்குப் பதவி உயா்வு

கால்நடைத்துறை அதிகாரிகளுக்குப் பதவி உயா்வு ஆணையை புதுவை முதல்வா் என்.ரங்கசாமி வியாழக்கிழமை வழங்கினாா்.

இணை இயக்குநா் ஜி. லதா மங்கேஸ்கா் கால்நடைத்துறை இயக்குநராகக் கூடுதல் பொறுப்பில் நியமிக்கப்பட்டுள்ளாா். இதைத் தவிர 3 கால்நடை மருத்துவா்கள் இணை இயக்குநா்களாகப் பதவி உயா்வு பெற்றனா். அதற்கான ஆணையை முதல்வா் ரங்கசாமி சட்டப்பேரவை வளாகத்தில் உள்ள தன்னுடைய அலுவலகத்தில் வழங்கினாா். வேளாண் மற்றும் கால்நடைத்துறை அமைச்சா் தேனீ சி. ஜெயக்குமாா், துறையின் செயலா் யாசின் எம்.சௌத்ரி உள்ளிட்டோா் கலந்து கொண்டனா்.