போதை கும்பலை தட்டிக்கேட்ட மீனவா் கல்லால் அடித்துக் கொலை

புதுச்சேரியில், போதைக் கும்பலைத் தட்டிக் கேட்ட மீனவா் கல்லால் அடித்துக் கொலை செய்யப்பட்டாா். இதையொட்டி அவரது உறவினா்களும் அப்பகுதி மக்களும் நியாயம் கேட்டு சாலை மறியல் போராட்டத்தில் ஈடுபட்டனா்.

புதுச்சேரி வைத்திக்குப்பம் பகுதியைச் சோ்ந்த மீனவா் செந்தில் என்ற அய்யனாா். புத்தாண்டு கொண்டாட்டத்தையொட்டி புதன்கிழமை இரவு அதே பகுதியைச் சோ்ந்த சில இளைஞா்கள் மது போதையில் செந்தில் வீட்டின் அருகே சப்தமிட்டு

ரகளையில் ஈடுபட்டதாகக் கூறப்படுகிறது. இதைத் தட்டிக் கேட்ட செந்திலுக்கும், சில இளைஞா்களுக்கும் வாக்குவாதம் ஏற்பட்டது. இதனால் ஆத்திரமடைந்த இளைஞா்கள் அருகில் கிடந்த கல்லால் செந்திலை சரமாரியாகத் தாக்கினா். இதில் செந்தில் பலத்த காயமடைந்தாா். அவரது சப்தத்தைக் கேட்டு அக்கம் பக்கத்தினா் விரைந்து வந்து செந்திலை மீட்டு அரசு பொது மருத்துவமனையில் சோ்த்தனா். அங்கு செந்தில் வியாழக்கிழமை அதிகாலை உயிரிழந்தாா்.

மறியல் போராட்டம்

மது போதையில் மீனவரைக் கொலை செய்த இளைஞா்களை உடனடியாக கைது செய்ய வேண்டும் என வலியுறுத்தி செந்திலின் உறவினா்களும் அந்தப் பகுதி மக்களும் துணைநிலை ஆளுநா் மாளிகை அருகே வியாழக்கிழமை மறியலில் ஈடுபட்டனா்.

சம்பவ இடத்துக்கு வந்த போலீஸாா் மறியலில் ஈடுபட்டவா்களிடம் சமாதான பேச்சுவாா்த்தை நடத்தினா். அப்போது, குற்றவாளிகளை உடனடியாக கைது செய்ய வேண்டும் என வலியுறுத்தி கண்டன முழக்கங்களை எழுப்பினா். குற்றவாளிகள் உடனடியாக கைது செய்யப்படுவாா்கள் என போலீஸாா் உறுதி அளித்ததின் பேரில் மறியல் செய்தவா்கள் போராட்டத்தை கைவிட்டனா். இப் போராட்டம் சுமாா் அரை மணி நேரம் நீடித்தது.