புதுச்சேரி லட்சுமி ஹயக்ரீவா் கோயிலில் 2 நாள் வித்யாரம்பம் நிகழ்ச்சி தொடக்கம்

விஜயதசமியை முன்னிட்டு புதுச்சேரி ராமகிருஷ்ணா நகரில் உள்ள ஸ்ரீ லட்சுமி ஹயக்ரீவா் கோயிலில் செவ்வாய்க்கிழமை வித்யாரம்பம் நிகழ்ச்சி நடைபெற்றது.

கல்வி மற்றும் ஞானத்தின் தொடக்கமாகக் கருதப்படும் வித்யாரம்பம் நிகழ்ச்சி புதுச்சேரி முத்தியால்பேட்டை ராமகிருஷ்ணா நகரில் உள்ள ஸ்ரீலட்சுமி ஹயக்ரீவா் கோயிலில் 2 நாள்கள் நடைபெறுகிறது.

கல்விக்கு அதிபதியான சரஸ்வதி தேவிக்கே குருவாக விளங்கும் ஞானத்தின் அதிபதியான ஹயக்ரீவா் பெருமாளை வழிபடுவது சிறப்பு.

விஜயதசமி நாளில் குழந்தைகளை நெல்மணிகளில் எழுத வைத்து கல்வியைத் தொடங்கினால் சரஸ்வதி தேவியின் அருளும், ஞானமும் கிடைக்கும் என்பது பக்தா்களின் நம்பிக்கை. அதன்படி, நிகழாண்டு விஜயதசமியையொட்டி செவ்வாய்க்கிழமை தொடங்கியது. 2-ஆவது நாளாக புதன்கிழமையும் வித்யாரம்பம் நடைபெறுகிறது.