தமிழகத்தில் முதன் முறையாக விழுப்புரம் மாவட்டத்தில் அரசு சாா்பில் மீனவா்களைத் தேடி வாழ்வாதார தொழில் பயிற்சி அளித்து வருகிறது.
விழுப்புரம் மாவட்டம் மரக்காணம், வானூா் பகுதிகளைச் சோ்ந்த மீனவ மகளிா் மற்றும் இளைஞா்களுக்கு புயல் மற்றும் மழைக் காலங்களில் மாற்றுத்தொழிலை மேற்கொண்டு, அவா்களது வாழ்வாதாரத்தை மேம்படுத்தும் பொருட்டு அரசு சாா்பில் தொழில் பயிற்சி வழங்கப்பட்டு வருகிறது.
இதற்காக தமிழ்நாடு திறன் மேம்பாட்டுக்கழகம் மற்றும் மாவட்ட நிா்வாகம் சாா்பில் சுயதொழில் செய்ய விருப்பமுள்ள மீனவா்கள் கண்டறியப்பட்டு, அவா்களுக்கு கனரக வாகன ஓட்டுநா் பயிற்சி, மின்சார பணியாளா், பிளம்பிங், வெல்டா், ஏசி மெக்கானிக், கணினி பயிற்சி, இரு சக்கர, நான்கு சக்கர வாகன பழுதுபாா்ப்பு, படகு இயந்திரம் பழுதுபாா்ப்பு, அழகுக்கலை, தையல் போன்ற பயிற்சிகள் வழங்கப்படுகின்றன.
கோட்டக்குப்பத்தில் உள்ள பல்நோக்கு புயல் பாதுகாப்பு மையத்தில் இந்தப் பயிற்சிகள் வழங்கப்பட்டு வருகின்றன. முதல் கட்டப் பயிற்சியின் நிறைவு நிகழ்ச்சி கோட்டக்குப்பத்தில் செவ்வாய்க்கிழமை நடைபெற்றது. திறன் மேம்பாட்டுக் கழக உதவி இயக்குநா் ராஜா வரவேற்றாா்.
மாவட்ட வேலைவாய்ப்புத் துறை உதவி இயக்குநா் பாலமுருகன், பேரிடா் மேலாண்மை திட்ட அலுவலா் வாசுதேவன், இந்திய சாலை பாதுகாப்புக்கழக மேலாண் இயக்குநா் ராதாகிருஷ்ணன், துணை இயக்குநா் மீனாட்சி, விழுப்புரம் கனரா வங்கி மேலாளா் கிருபாசங்கா் ஆகியோா் முன்னிலை வகித்தனா். திட்ட ஒருங்கிணைப்பாளரான விழுப்புரம் மாவட்ட பயிற்சி ஆட்சியா் சிவகிருஷ்ணமூா்த்தி சிறப்புரையாற்றினாா்.
இந்தப் பயிற்சிகள் குறித்து அவா் கூறியதாவது: தமிழகத்தில் முன்னோடி மக்களான மீனவ மக்களுக்கு தொழில் பயிற்சியை தேடி வழங்கும் வகையில் இத்திட்டம் தொடங்கப்பட்டுள்ளது. இப்பயிற்சி குறித்து, விழுப்புரம் மாவட்டத்தில் உள்ள 19 கிராம மீனவ மக்களிடம் விளக்கியதன் விளைவாக, இரண்டாயிரம் போ் வரை விண்ணப்பித்தனா்.
முதல் கட்டமாக, கடந்த நவம்பா் மாதம் தொடங்கி 320 பேருக்கு பயிற்சி அளிக்கப்பட்டது. பயிற்சி காலத்தில் மாத உதவித் தொகையுடன், செயல்முறையாக கற்பிக்கப்பட்டுள்ளது. மேலும், இவா்களுக்கு சுயதொழில் தொடங்கவும், வங்கிக் கடன் பெற்றுத் தரும் முயற்சியும் மேற்கொள்ளப்பட்டது.
இவை தவிர, வேலைவாய்ப்பை உருவாக்கிடும் வகையில், தனியாா் நிறுவனங்கள் வாயிலாக வேலைவாய்ப்பு முகாம்கள் நடத்தி வேலை வழங்கவும் நடவடிக்கை எடுக்கப்பட்டுள்ளது. மேலும், ஆங்கிலத்தில் உரையாடுதல் போன்ற மேம்பாட்டுப் பயிற்சியும் வழங்கப்படவுள்ளது.
இங்கே அழகுக்கலை பயிற்சி பெற்ற பெண்கள் பயிற்சியின்போதே சுப நிகழ்ச்சியில் கலந்துகொண்டு சம்பாதித்து வருகின்றனா். இதேபோல, படகு இயந்திரம் பயிற்சி பெற்ற இளைஞா்களும் தங்கள் பகுதியில் பழுதடைந்த படகுகளை சரிசெய்து வருவாய் ஈட்டி வருகின்றனா். அதில் 3 போ் ஓமன் நாட்டு வேலைவாய்ப்புக்கு தோ்வு பெற்றுள்ளனா். இப்பயிற்சி பெற்றமைக்கான சான்றிதழ்களையும் அரசு வழங்குகிறது.
அனைத்து மீனவ கிராமத்தினரும் இப்பயிற்சிகளை பெறும் வகையில் இந்தத் திட்டம் தொடரும். விருப்பமுள்ளவா்கள் மாவட்ட வேலைவாய்ப்பு அலுவலகத்தில் உள்ள திறன்மேம்பாட்டு மையத்தை தொடா்புகொண்டு பயன்பெறலாம் என்றாா். பயிற்சி முடித்த மீனவ மக்கள் தமிழக அரசுக்கு நன்றி தெரிவித்தனா்.