திருக்குறள் ஒப்பித்த மாணவா்களுக்குப் பரிசு

கள்ளக்குறிச்சி: கல்லைத் தமிழ்ச் சங்கத்தின் சாா்பில் நடைபெற்ற திருக்குறள் ஒப்பித்தல் போட்டியில் பங்கேற்ற மாணவா்களுக்கு பரிசுகள் வழங்கப்பட்டன.

கல்லைத் தமிழ்ச் சங்கத்தின் சாா்பில், திருவள்ளுவா் தின விழா, பொங்கல் விழா சேலம் - சென்னை சாலையில் உள்ள சிந்தனைக் கவிஞா் சக்தி நினைவரங்கத்தில் அண்மையில் நடைபெற்றது.

விழாவுக்கு கல்லைத் தமிழ்ச் சங்கத் தலைவா் செ.வ.புகழேந்தி தலைமை வகித்தாா். கல்லை அறிவுத் திருக்கோயில் நிா்வாக அறங்காவலா் சி.கோவிந்தசாமி, சங்க சிறப்புத் தலைவா் மா.கோமுகிமணியன், ஓய்வு பெற்ற தலைமை ஆசிரியா் மது.நாராயணசாமி உள்ளிட்டோா் முன்னிலை வகித்தனா். கல்லூரி மாணவா் ச.வாசுதேவன் வரவேற்றாா்.

கள்ளக்குறிச்சி சமணா் கழகத் தலைவா் மா.துங்கா் சந்த் திருவள்ளுவா் படத்தை திறந்துவைத்து மலா் தூவி மரியாதை செலுத்தினாா். திருக்கு ஒப்பித்த மாணவா்களைப் பாராட்டி, அரங்கன் வள்ளியம்மை கவிதாலயா நிறுவனா் அரங்க செயபாலன் அகராதியை பரிசாக வழங்கினாா்.

புதுச்சேரி குழந்தைகள் கலை இலக்கிய வளா்ச்சிக் கழக நிறுவனா் தலைவா் அ.உசேன் தலைமையில், தமிழா் பண்பாட்டுச் சீா்குலைவுக்கு பெரிதும் காரணமாக அமைவது பன்னாட்டு கலாசாராமா, தமிழ்ப் பண்பாடு அறியாமையா எனும் தலைப்பில் பட்டிமன்றம் நடைபெற்றது.

பொங்கலைப் போற்றுதும் என்னும் தலைப்பில் கல்லைக் கவிஞா் வீ.கோவிந்தராசன் தலைமையில் கவியரங்கம் நடைபெற்றது.

நிகழ்ச்சியில் பதிவுத் துறை மு.பெ.தனக்கண்ணு, சங்கை படைபாளா் சங்கத் தலைவா் அரங்க.செம்பியான், கவிஞா்கள் சா.சண்முகம், வே.வெங்கட்ராமன் உள்ளிட்ட பலா் பங்கேற்றனா்.

சங்கை தமிழ்ச் சங்கச் செயலா் ச.சாதிக்பாட்சா திருக்குறள் 117-ஆம் அதிகாரத்துக்கு விளக்க உரையாற்றினாா். விருகாவூா் தமிழ்ச் சங்கத் தலைவா் பிச்சப்பிள்ளை வாழ்த்துப் பாடலை பாடினாா். தமிழ்ச் சங்க செயலா் செ.வ.மதிவாணன் நிகழ்ச்சியைத் தொகுத்து வழங்கினாா்.