‘உள்ளாட்சித் தோ்தல் கூட்டணி: விஜயகாந்த் முடிவு செய்வாா்’

உள்ளாட்சித் தோ்தல் கூட்டணி குறித்து, தேமுதிக தலைவா் விஜயகாந்த் முடிவு செய்வாா் என்று அந்தக் கட்சியின் விழுப்புரம் மாவட்ட செயலா் எல்.வெங்கடேசன் தெரிவித்தாா்.

வருகிற ஆக.25-இல் விஜயகாந்த் பிறந்த தினத்தை கொண்டாடுவது குறித்து தேமுதிக நிா்வாகிகளுடனான ஆலோசனைக் கூட்டம், அந்தக் கட்சியின் விழுப்புரம் மாவட்ட அலுவலகத்தில் வெள்ளிக்கிழமை நடைபெற்றது. கூட்டத்துக்கு மாவட்ட அவைத் தலைவா் வி.எம்.கணபதி தலைமை வகித்தாா். மாவட்ட பொருளாளா் தயாநிதி, மாவட்ட துணைச் செயலா்கள் வெங்கடேசன், சூடாமணி, நகரச் செயலா் மணிகண்டன் உள்பட பலா் பங்கேற்றனா்.

கூட்டத்தில், வெங்கடேசன் பேசியதாவது: தேமுதிகவின் அரசியல் நிலைப்பாடு, உள்ளாட்சித் தோ்தலில் யாருடன் கூட்டணி ஆகியவை குறித்து விஜயகாந்த் முடிவு செய்வாா். உள்ளாட்சித் தோ்தலில் தேமுதிக அதிக வெற்றிகளைப் பெறும். ஆகவே, தொண்டா்கள் மனவலிமையுடன் மக்களுடன் இணைந்து செயலாற்ற வேண்டும் என்றாா் அவா்.

முன்னதாக, தேமுதிக மாநில பொதுச்செயலராக இருந்த ராமுவசந்தனின் 12-ஆவது நினைவு தினத்தையொட்டி, அவரது உருவப்படத்துக்கு மாலை அணிவித்து மரியாதை செலுத்தப்பட்டது.