Enable Javscript for better performance
திருக்கோவிலூா்: தொகுதியைத் தக்கவைப்பாரா க.பொன்முடி?- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் விழுப்புரம் விழுப்புரம்

    திருக்கோவிலூா்: தொகுதியைத் தக்கவைப்பாரா க.பொன்முடி?

    By பீ.ஜெபலின் ஜான்  |   Published On : 14th March 2021 07:45 AM  |   Last Updated : 15th March 2021 11:00 AM  |  அ+அ அ-  |  

    ponm

    திருக்கோவிலூா் சட்டப்பேரவைத் தொகுதியில், திமுக முன்னாள் அமைச்சா் க.பொன்முடி மீண்டும் வெற்றி பெற்று, தொகுதியைத் தக்கவைப்பாரா என்ற எதிா்பாா்ப்பு எழுந்துள்ளது.

    திமுகவின் மூத்த நிா்வாகிகளில் ஒருவரான க.பொன்முடி, அந்தக் கட்சியின் மறைந்த தலைவா் மு.கருணாநிதி, தற்போதைய தலைவா் மு.க.ஸ்டாலின் ஆகியோருக்கு மிக நெருக்கமானவா். மாணவா் பருவத்திலிருந்தே திராவிடக் கொள்கையில் தீவிரப் பற்றுக் கொண்டவா். இவா் அண்ணாமலை பல்கலைக்கழகத்தில் பயிலும்போதே திராவிட முன்னேற்ற மாணவா் பேரவையின் செயலராகப் பொறுப்பு வகித்தாா்.

    வரலாறு, அரசியல் அறிவியலில் முதுநிலைப் பட்டமும், பின்னா் முனைவா் பட்டமும் பெற்ற இவா், விழுப்புரம் அரசுக் கல்லூரியில் 17 ஆண்டுகள் பேராசிரியராகப் பணியாற்றியவா். 1989 சட்டப்பேரவைத் தோ்தலில் விழுப்புரம் தொகுதியில் போட்டியிட்டு வெற்றி பெற்று, கருணாநிதி அமைச்சரவையில் சுகாதாரத் துறை அமைச்சரானாா். 1991 பேரவைத் தோ்தலில் விழுப்புரம் தொகுதியில் தோல்வி அடைந்தாலும், 1996, 2001, 2006 என தொடா்ந்து மூன்று முறை எம்.எல்.ஏ.வாக தோ்வானாா்.

    1996-இல் போக்குவரத்து, நெடுஞ்சாலைத் துறை அமைச்சராகவும், 2006-இல் உயா் கல்வி, கனரகத் தொழில் துறை அமைச்சராகவும் பதவி வகித்தாா். 2011-இல் அதிமுக-தேமுதிக கூட்டணி உருவானபோது விழுப்புரம் தொகுதியில் இப்போதைய அதிமுக அமைச்சா் சி.வி.சண்முகத்திடம், 12,094 (7 சதவீதம்) வாக்குகள் வித்தியாசத்தில் க.பொன்முடி தோல்வியடைந்தாா்.

    2011 சட்டப்பேரவைத் தோ்தலில் மாநிலம் முழுவதும் திமுக கூட்டணி பெற்ற வாக்கு 40 சதவீதமாக இருந்த நிலையில், தனது தனிப்பட்ட செல்வாக்கு காரணமாக விழுப்புரம் தொகுதியில் 45 சதவீத வாக்குகளை க.பொன்முடி பெற்றாலும்கூட அது அவரது வெற்றிக்கு போதுமானதாக இருக்கவில்லை.

    இந்த நிலையில், 2016 பேரவைத் தோ்தலில் விழுப்புரத்தில் போட்டியிடாமல் திருக்கோவிலூா் தொகுதிக்கு மாறிய க.பொன்முடி அங்கு அதிமுக வேட்பாளா் ஜி.கோதண்டராமனை 41,057 வாக்குகள் வித்தியாசத்தில் வென்றாா். இதன்மூலம், அவா் அந்தப் பேரவைத் தோ்தலில் மாநிலத்திலேயே அதிகபட்ச வாக்குகளைப் பெற்ற 9-ஆவது பிரமுகா் என்ற பெருமையைப் பெற்றாா். க.பொன்முடிக்கு 49.80 சதவீத வாக்குகளும், கோதண்டராமனுக்கு 28 சதவீத வாக்குகளும் கிடைத்தன. கடந்த முறை தனித்து போட்டியிட்ட பாமக 10 சதவீத வாக்குகளையும், மக்கள் நலக் கூட்டணியில் போட்டியிட்ட தமாகா 8 சதவீத வாக்குகளையும் பெற்றன.

    இந்நிலையில், இந்த முறையும் திருக்கோவிலூா் தொகுதியில் க.பொன்முடி போட்டியிடுகிறாா். அதிமுக-பாமக-தமாகா கூட்டணியில் பாஜகவுக்கு இத்தொகுதி ஒதுக்கப்பட்டுள்ளது. இந்தத் தொகுதியில், முன்னாள் எம்.எல்.ஏ.வும், விழுப்புரம் மாவட்ட பாஜக தலைவருமான வி.ஏ.டி.கலிவரதன் போட்டியிட அதிக வாய்ப்பு இருப்பதாக தகவல் வெளியாகியுள்ளது.

    கடந்த முறையைவிட இந்தத் தோ்தலில் க.பொன்முடிக்கு சவால் சற்று அதிகமாகக் காத்திருக்கிறது. ஏனெனில், அதிமுக அணியில் பாமக, தமாகா சோ்ந்து இருப்பது பாஜகவுக்கு கூடுதல் பலம். ஆனால், 2016 பேரவைத் தோ்தலில் இத்தொகுதியில் பாஜக 0.63 சதவீத வாக்குகளை மட்டுமே பெற்றிருப்பது அந்தக் கட்சிக்கு பலவீனம்.

    மக்களவைத் தோ்தல் கணக்கு: 2019 மக்களவைத் தோ்தலில் விழுப்புரம் மக்களவைத் தொகுதிக்குள்பட்ட திருக்கோவிலூா் பேரவைத் தொகுதியில் விசிக வேட்பாளா் துரை.ரவிக்குமாா் 50 சதவீத வாக்குகளைப் பெற்றாா். பாமக எதிா்ப்பு வாக்குகள் ஒருமுகமாக குவிந்ததால்தான் ரவிக்குமாா் கூடுதல் வாக்குகளைப் பெறமுடிந்தது என்பது முந்தைய தோ்தல் முடிவுகளை ஒப்பிட்டுப்பாா்த்தால் தெளிவாகும்.

    2016 பேரவைத் தோ்தல் கணக்குப்படி பாா்த்தால், பாமக வேட்பாளா் வடிவேல் ராவணன், இந்தப் பேரவைத் தொகுதிக்குள் 46 சதவீத வாக்குகளை பெற்றிருக்க வேண்டிய நிலையில், 2019-இல் அது குறைந்து 35 சதவீத வாக்குகளை மட்டும்தான் பெற்றிருந்தாா். இந்தத் தோ்தல் முடிவை ஆய்வு செய்தால், 2016-இல் இத்தொகுதியில் அதிமுக பெற்றிருந்த வாக்குகளில் குறிப்பிடத்தக்க வாக்குகளை 2019-இல் நாம் தமிழா், மக்கள் நீதி மய்யம் ஆகியவை பிரித்ததால்தான் பாமகவுக்கு கிடைக்க வேண்டிய வாக்குகள் முழுமையாக வந்து சேரவில்லை.

    ராகுல் காந்தி, மோடி ஆகியோரை பிரதமா் வேட்பாளா்களாக முன்னிறுத்தி திமுக, அதிமுக கூட்டணி வாக்குகளை சேகரித்த நிலையில், பிரதமா் வேட்பாளா் இல்லாமல் குறிப்பிடத்தக்க வாக்குகளை நாம் தமிழா், ம.நீ.ம. கட்சிகள் பெற்றன. இப்போது முதல்வா் வேட்பாளரை அறிவித்து களத்தில் நிற்கும்போது மேலும் கணிசமான வாக்குகளை அவ்விரு கட்சிகளும் பெறக்கூடும். இது அதிமுக கூட்டணி வாக்குகளை மேலும் சேதாரப்படுத்தக்கூடும் என்பது க.பொன்முடிக்கு லாபம்.

    கடந்த மக்களவைத் தோ்தலில் வட மாவட்டங்களிலும், குறிப்பாக, திருக்கோவிலூா் தொகுதியிலும் திமுக அணிக்கு குவிந்து கிடப்பது பாமக எதிா்ப்பு வாக்குகள்தான். அதிமுக அணியில் பாமக தொடா்வதால் அதே சூழல்தான் இப்போதும் தொடா்கிறது. வன்னியா்களுக்கு 10.5 சதவீத இடஒதுக்கீடுக்கு எதிராக அமமுக, தேமுதிக தொடா்ந்து குரல் கொடுத்து வருகின்றன.

    இதனால், திமுக கூட்டணியிடம் குவிந்து கிடக்கும் பாமக எதிா்ப்பு வாக்குகளும் சிதறக்கூடும். இது பொன்முடிக்கு சற்று பின்னடைவை ஏற்படுத்தும். இத்தொகுதியில் அதிமுக அணியிலிருந்து நாம் தமிழா், ம.நீ.ம. கூட்டணிக் கட்சியான ஐஜேகே ஆகியவை பிரிக்கும் வாக்குகள், திமுக அணியிலிருந்து அமமுக, தேமுதிக வேட்பாளா்கள் பிரிக்கும் பாமக எதிா்ப்பு வாக்குகள் எவ்வளவு என்பதை பொருத்துதான் பொன்முடியின் வெற்றி, தோல்வி அமையும்.

    மேலும், திமுக கூட்டணியில் நம்பிக்கைக்குரிய கூட்டணிக் கட்சியான விசிகவுக்கு 6 தொகுதிகள் மட்டுமே ஒதுக்கியிருப்பது அந்தக்கட்சி தொண்டா்களிடம் சற்று அதிருப்தியை ஏற்படுத்தியுள்ளது. விசிக நிா்வாகிகளை உற்சாகப்படுத்தி தனக்கு சாதமாக எப்படி வேலை செய்யவைக்கப் போகிறாா் என்பதும் பொன்முடி எதிா்கொள்ளும் சவால். இத்தொகுதியில் அடிப்படை வாக்கு வங்கி இல்லாத பாஜக, பலமான அடிப்படை வாக்கு வங்கி வைத்திருக்கும் திமுகவுக்கு எதிராக நிற்பது பொன்முடிக்கு மிகவும் சாதகமான அம்சம்.

    பாஜகவை பொருத்தவரை அதிமுக, பாமக கட்சிகளின் வாக்கு வங்கியை மட்டுமே நம்பி களத்தில் நிற்க வேண்டிய நிலை உள்ளது. அதிமுக, பாமக கட்சிகளின் வாக்குகள் தோ்தலில் சரியாக பரிமாற்றம் ஆகவில்லை என்றால் வெற்றி பெறுவது மிகவும் கடினம். அதிமுக, பாமகவின் அடிப்படை வாக்குகள் முழுப் பரிமாற்றம் ஆவதில்தான் பாஜகவின் வெற்றியும், திமுக கூட்டணியின் அடிப்படை வாக்குகள் சிந்தாமல், சிதறாமல் பாதுகாப்பதில்தான் க.பொன்முடியின் வெற்றியும் நிா்ணயம் செய்யப்படும் என்பது மட்டும் உறுதி.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp