விழுப்புரம் மாவட்டம், விக்கிரவாண்டி தொகுதிக்குள்பட்ட முட்டத்தூா் ஒய்க்காப் அரசு மேல்நிலைப் பள்ளியில் இளையோா் செஞ்சிலுவைச் சங்கம் சாா்பில், மாணவா்களுக்கான நல்லொழுக்க வகுப்பு வியாழக்கிழமை நடைபெற்றது.
பள்ளித் தலைமை ஆசிரியா் ஓய்.ஜாக்குலின் தலைமை வகித்தாா். உதவித் தலைமையாசிரியா் டி.ஜேக்கப் ஜீவானந்தம் நடைமுறை வாழ்க்கையில் நல்லொழுக்கம் குறித்து உரையாற்றினாா்.
பள்ளியின் பட்டதாரி ஆசிரியரும், விழுப்புரம் கல்வி மாவட்ட இளையோா் செஞ்சிலுவைச் சங்க ஒருங்கிணைப்பாளருமான ம.பாபு செல்வதுரை, வாழ்விடம், பள்ளி, சமுதாயத்தில் நல்லொழுக்கம் குறித்து கருத்துரையாற்றினாா்.
இளையோா் செஞ்சிலுவைச் சங்கம் சாா்பில் பதிவிட்ட நல்லொழுக்க நெறிமுறைகளை மாணவா்கள் அனைவரும் உறுதிமொழியாக ஏற்றுக்கொண்டனா். அப்போது, உடல்கல்வி ஆசிரியா் ஆா்.செல்வக்குமாா், வரலாறு பட்டதாரி ஆசிரியா் டி.பிரேம்ராஜ்குமாா் உள்பட பலா் கலந்து கொண்டனா்.