விழுப்புரம் மாவட்ட அளவில் மாற்றுத் திறனாளிகளுக்கான தடகளம், குழு விளையாட்டுப் போட்டிகள் விழுப்புரம் ராமகிருஷ்ணா மேல்நிலைப் பள்ளியில் திங்கள்கிழமை நடைபெற்றது.
தமிழ்நாடு விளையாட்டு மேம்பாட்டு ஆணையம், மாற்றுத் திறனாளிகள் நல அலுவலகம் சாா்பில் நடைபெற்ற இந்தப் போட்டிகளை, மாவட்ட மாற்றுத் திறனாளிகள் நல அலுவலா் தங்கவேலு தொடக்கிவைத்தாா். நான்கு பிரிவுகளாக போட்டிகள் நடத்தப்பட்டன. இதில் மாற்றுத் திறன் மாணவ, மாணவிகள் உற்சாகத்துடன் கலந்துகொண்டு தங்களது திறமைகளை வெளிப்படுத்தினா். போட்டியில் வெற்றி பெற்றவா்களுக்கு மாவட்ட கூடுதல் காவல் கண்காணிப்பாளா் கோவிந்தராஜ் பரிசுகளை வழங்கி பாராட்டினாா். மாவட்ட விளையாட்டு அலுவலா் வேல்முருகன் போட்டிகளை ஒருங்கிணைத்தாா்.
இதில் ஒவ்வொரு போட்டியிலும் முதலிடம் பிடித்தவா்கள் மாநில அளவிலான போட்டிக்கு தகுதி பெறுவா் என்று தெரிவிக்கப்பட்டது.