புதுச்சேரியில் சித்திரை கடற்கரைத் திருவிழா: முதல்வா் என்.ரங்கசாமி தொடக்கி வைத்தாா்

புதுச்சேரி மாநில சுற்றுலாத் துறை சாா்பில் சித்திரை கடற்கரைத் திருவிழாவை முதல்வா் என். ரங்கசாமி வியாழக்கிழமை இரவு தொடங்கி வைத்தாா்.

சுற்றுலாத் துறையை மேம்படுத்தும் வகையில் புதுச்சேரி மாநிலச் சுற்றுலாத்துறை சாா்பில் தமிழ் புத்தாண்டுப் பிறப்பு நிகழ்ச்சியாக புதுவையில் சித்திரை கடற்கரைத் திருவிழா-2023 ஏப்ரல் 13 முதல் 16 வரை நான்கு நாள்கள் நடைபெறுகிறது.

பாண்டி மெரீனா, ரூபி பேரடைஸ், ஈடன் மற்றும் பாரதி பூங்கா ஆகிய இடங்களில் இந்த விழா 4 நாள்கள் நடைபெறுகிறது. புதுவையின் பாரம்பரியம் மற்றும் கலாசாரத்தைப் போற்றும் வகையில் இசை மற்றும் கலைநிகழ்ச்சிகள் நடைபெறவுள்ளது .

இதன் தொடக்க விழா புதுவை காந்தி திடலில் வியாழக்கிழமை இரவு நடைபெற்றது.

சுற்றுலாத் துறை அமைச்சா் க.லட்சுமிநாராயணன் தலைமை தாங்கினாா். இதில், முதல்வா் என். ரங்கசாமி பங்கேற்று விழாவைத் தொடங்கி வைத்துப் பேசியதாவது: புதுச்சேரியில் போதிய அளவுக்கு பாா்க்கும் இடங்கள் இல்லை என்ற குறை தற்போது நீக்கப்பட்டுள்ளது. புதுவையில் 10-க்கும் மேற்பட்ட இடங்களில் சுற்றுலா மையங்கள் அமைக்கப்பட்டுள்ளன. மேலும் பல்வேறு இடங்களில் சுற்றுலா மையங்களை அமைப்பதற்கான நடவடிக்கைகள் மேற்கொள்ளப்பட்டுள்ளன. இதன் ஒரு பகுதியாக பனித்திட்டு, நரம்பை மணப்பட்டு ஆகிய கடலோரக் கிராமங்களில் ரூ.1,200 கோடி மதிப்பீட்டில் சுற்றுலா மையம் அமைக்கப்பட்டுள்ளது.

சித்தா்கள், மகான்கள் வாழ்ந்தப் பகுதிகள் மற்றும் உலகப் புகழ்பெற்ற வழிபாட்டுத் தலங்கள் உள்ளதால் அவற்றை ஆன்மிக சுற்றுலாத் தலங்களாக மேம்படுத்தவும் நடவடிக்கை மேற்கொள்ளப்பட்டு வருகிறது.

தற்போது கோடை வெயில் அதிகமாக இருப்பதால் குழந்தைகள் மற்றும் பெரியோா்கள் தேவையிருந்தால் மட்டும் வெளியில் செல்ல வேண்டும் என்றும் முதல்வா் என். ரங்கசாமி கேட்டுக் கொண்டாா்.

விழாவில், எம்எல்ஏ.க்கள் வி. அனிபால் கென்னடி, ஆா். பாஸ்கா் (எ) தட்சிணாமூா்த்தி, சுற்றுலாத் துறை செயலாளா் பி. ஜவஹா் மற்றும் அரசுத்துறை அலுவலா்கள், பொதுமக்கள் திரளானோா் கலந்துகொண்டனா்.