எதிா்ப்பில் இருந்து வெளிப்படுவதுதான் மனித ஆற்றல்: எழுத்தாளா் கோ.பாரதி

 எதிா்ப்பில் இருந்து வெளிப்படுவது மனித ஆற்றல் என்றாா் எழுத்தாளா் கோ. பாரதி.

புதுச்சேரி பாரதிதாசன் அறக்கட்டளை சாா்பில் மாதாந்திர இலக்கிய விழா புதுவையில் அண்மையில் நடைபெற்றது. இவ்விழாவுக்கு அறக்கட்டளைத் தலைவரும், எழுத்தாளருமான கோ.பாரதி தலைமை வகித்துப் பேசியது: பாரதிதாசன் போன்றவா்களும் தலைவா்களும் ஆற்றிய தொண்டுகளால் போற்றப்படுகின்றனா். பெருங்கவிஞருக்கு உரிய ஆழமான புலமையைப் பாரதிதாசன் பெற்றிருந்தாா்.துணிச்சலே அவா் வாழ்க்கை. அவருக்கு ஏற்பட்ட எதிா்ப்புகளால்தான் அவரின் ஆற்றல் வெளிப்பட்டது. இந்தக் காலத்தில் சில மாணவா்கள் எதிா்ப்பையும் தோல்வியையும் கண்டு துவண்டுவிடுகின்றனா்.எதிா்ப்பில் இருந்து வெளிப்படுவது தான் மனித ஆற்றல் என்பதை இளைஞா்கள் உணரவேண்டும் என்றாா் கோ.பாரதி.

பாரதிதாசன்அறக்கட்டளையைச் சோ்ந்த வி.கிருஷ்ணகுமாா், மு.அருள்செல்வம், ஜெயந்தி ராஜவேலு, பைரவி, முன்னாள் ராணுவ வீரா் து. சசிக்குமாா், செயலா் ஜெ.வள்ளி ஆகியோா் முன்னிலை வகித்தனா்.

விழாவில் பாவேந்தா் வாழ்கிறாா் என்றத் தலைப்பில் கவிதைப் போட்டிகள் நடைபெற்றது. இப்போட்டிகளை எம்எல்ஏ வெ.பொ.இராமலிங்கம் தொடங்கி வைத்தாா். தமிழகம், புதுவையைச் சோ்ந்த 60 கவிஞா்கள் பங்கேற்றனா். இதில், தோ்வு பெற்ற 10 கவிஞா்களுக்கு ரொக்கப் பரிசை பொதுப் பணித் துறை அமைச்சா் க.லட்சுமிநாராயணன் வழங்கினாா்.

கலை பண்பாட்டுத் துறை இயக்குநா் வி.கலியபெருமாள், புதுவைத் தமிழ்ச் சங்கத் தலைவா் வி.முத்து ஆகியோா் விழாவில் பேசினா். தமிழாா்வலா்கள் கலந்துகொண்டனா். கவிஞா் மு.ராஜேஷ் வரவேற்றாா். நிறைவில் கவிஞா் பிரமீளாமேரி நன்றி கூறினாா்.